"/>

मेयर पण्डितको चुनाव खर्च उठाउने यस्तो छ काइदा

नुवाकोट । नुवाकोटको विदुर नगरपालिको विकास नेकपा एमालेको जति भूमिका छ त्यो भन्दा बढी भूमिका त्यहाँको विकासको गति सुस्त हुनुमा पनि छ । विगतदेखि एमालेले नेतृत्व लिँदै आएको विदुरमा अहिले स्थानीय सरकारको नेतृत्व पनि एमालेले नै पाएको छ । नेता भन्दा पनि कार्यकर्ताले जीवन्त नुवाकोट एमाले पछिल्लो पटक नेताहरुको गतिबिधिबाट विवादित बन्दै गएको छ ।

स्थानीय तहको निर्वाचनको समयमा नै लाखौँ रुपैँया जिल्ला अध्यक्षलाई बुझाएर टिकट पाएको अभियोग लागेका विदुर नगरपालिकाको मेयर सञ्जु पण्डितले फेरि एकपटक एमालेलाई विवादित बनाउन खोजेका छन् ।

नेकपा एमाले नुवाकोटका एक जना सचिवालय सदस्यले पण्डितले खानीको बालुवा नगरपालिका आफैँले बेच्ने भनेर कृत्रिम अभाव सिर्जना गरेकोदेखि व्यवसायीसँग हप्ता उठाउन संयन्त्र परिचालन गरेको विषयमा पार्टी भित्रै आलोचना सुरु भएको जनाएका छन ।

चुनाव खर्च उठाउने भन्दै पण्डितले अहिले एउटा गम्भीर निर्णय लिएका छन । उनले माओवादी भ्रातृ संगठन गणतान्त्रि तथा प्रगतिशिल कानुन व्यवसायी संगठन नुवाकोटका अध्यक्ष शम्भु नेपाललाई नगरपालिकाको कानुनी सल्लाहकारमा नियुक्त गरेका छन । यद्यपी नगरपलिकाबाट नियुक्ति अनुमोदन गराउन बाँकी नै छ । एमाले अध्यक्ष समेत रहेका प्रतिनिधिसभा क्षेत्र नम्बर दुईका संसाद नारायणप्रसाद खतिवडाको सहमतिले पण्डितले यस्तो जोखिमयुक्त निर्णय लिएको एमाले निकट कानुन व्यवसायीहरुले बताएका छन ।

उनीहरुले पार्टी नेताको उपस्थितिमा कानुन व्यवसायीहरुको भेला नै गरेर संगठित रुपमा मेयरको निर्णयको बिरोध गर्ने तयारी समेत गरेका छन । पण्डितले भने अधयक्षको सहमति समेत लिएकाले चुनाव खर्च उठाउने गरी आफूलाई शम्भु नेपाललाई नै कानुनी सल्लाहकार बनाउने बताएको एमाले निकट एक कानुन व्यवसायीले बताए ।

शम्भु र पण्डित विगतदेखिकै बिजनेशका पार्टनर समत हुन । शम्भुले स्थानीय निर्वाचनमा समेत आफूले पण्डितलाई भोट मागेर माओवादीको राजनीति करिब छाडेको बताउने गरेका छन । शम्भुको यही गतिबिधि थाहा पाएपछि उता गणतान्त्रि तथा प्रगतिशिल कानुन व्यवसायी संगठनले उनलाई कारबाहीको चेतावनी दिएको छ ।

www.dainiki.com बाट

२०७४ फागुन १ गते प्रकाशित 

प्रतिक्रिया दिनुहोस्


कार्यालय : लाजिम्पाट २, काठमाडौँ
नेपाल

© 2018 All Right Reserved Arthatantra News
DEVELOPED BY appharu.com