"/>

६ महिनामै कम्पनीको लगानी भन्दा बढी नाफा, नेटवर्थ ८४३ रुपैयाँ हुँदा प्रतिसेयर आम्दानी कती ?

काठमाडौ । गत वर्ष २६ करोड कमाएको राष्ट्रिय बीमा कम्पनीको नाफा पहिलो ६ महिनामा ११ करोडले बढेको छ ।
बिमा कम्पनीले चालु आर्थिक बर्षको ६ महिनामा ३७ करोड २५ लाख रुपैयाँ खुद नाफा गरेको छ ।

कम्पनीले यसअवधिमा १२ करोड ८८ लाख खुद बीमा शुल्क आर्जन गरेको छ । कम्पनीको खुद बीमा शुल्क आय २१ प्रतिशतले बढी हो । जसले पुनर्बिमा कमिसनबाट १ करोड ३८ लाख आम्दानी गरेको छ ।

गत आर्थिक वर्षको यही अवधिको तुलनामा कम्पनीको खुद नाफा ४२.३७ प्रतिशतले बढी हो । गत वर्ष कम्पनीले २६ करोड १६ लाख खुद नाफा कमाएको थियो । दोस्रो त्रैमाससम्म कम्पनीले कुल ३ करोड ४३ लाख ८४ हजार रुपैयाँ बराबरको दाबी भुक्तानी गरेको छ ।

चुक्ता पुँजी २६ करोड ६६ लाख ३९ हजार रुपैयाँ पुगेको कम्पनीको रिजर्भ कोषमा १ अर्ब ९८ करोड रुपैयाँ छ । यसैगरी, बीमा कोषमा एक अर्ब २६ करोड राखेको छ ।

कम्पनीको प्रतिसेयर आम्दानी (वार्षिक) १३९ रुपैयाँ ७० पैसा र प्रतिसेयर नेटवर्थ ८४३ रुपैयाँ ११ पैसा छ ।

२०७४ फागुन १ गते प्रकाशित

प्रतिक्रिया दिनुहोस्


कार्यालय : लाजिम्पाट २, काठमाडौँ
नेपाल

© 2018 All Right Reserved Arthatantra News
DEVELOPED BY appharu.com