काठमाडौ । राष्ट्रियस्तरको विकास बैंक टुरिजम् डेभलपमेन्ट बैंकले मातृभूमि विकास बैंक एक्विजिसन गर्ने भएको छ । यी दुई सस्थाबीच एक कार्यक्रमकाबीच एक्विजिसन गर्ने समझादारीमा हस्ताक्षर भएको हो ।
टुरिजमको चुक्ता पुँजी ६४ करोड रुपैयाँ छ भने मातृभूमीको चुक्ता पुँजी चार करोड ८० लाख रुपैयाँ छ । संझौतामा कति मुल्यमा एक्विजिसन गर्न खोजिएको हो उल्लेख गरिएको छैन ।
साथै टुरिजम् डेभलपमेन्टले आफ्ना शेयरधनीलाई १६ प्रतिशत बोनस सेयर दिने घोषणा गरेको छ । बैंकको सञ्चालक समितिको बैठकले दश करोड पचासी लाख चौवालिस हजार रुपैयाँ बराबरको बोनस सेयर प्रस्ताव गरेको हो । यो सेयर वितरण पछि बैंकको चुक्ता पुँजी करिब ७५ करोड पुग्छ ।
बैंकले बोनस सेयरको कर प्रयोजनका लागि ०.८४१२ प्रतिशत नगद लाभांस दिने प्रस्ताव गरेको प्रमुख कार्यकारी अधिकृत महेश शर्मा ढकालले जानकारी दिए । उक्त लाभांश नेपाल राष्ट्र बैंक तथा साधारण सभाबाट स्वीकृति पश्चात वितरण हुनेछ ।
वि.सं.२०७२ मंसिर २५ शुक्रवार १७:०२ मा प्रकाशित
