काठमाडौ । नेपाल स्टक एक्सचेञ्ज नेप्सेमा ६२ लाख ८८ हजार ५९७ दशमलव ६२ कित्ता सेयर सुचीकृत भएका छन् । विहीबार हकप्रद र बोनस गरि जेविल्स् फाइनान्स, गुहेश्वरी मर्चेन्ट एण्ड बैंकिङ्ग फाइनान्स र ओरेयन्टल होटलको सेयर सुचीकृत भएका हुन् ।
गुहेश्वरी मर्चेन्टको गत कात्तिक १२ देखि मंसिर १८ गतेसम्म जारी गरेको ४० प्रतिशत बराबरको १९ लाख ७३ हजार ९२८ दशमलव ७७ कित्ता हकप्रद सेयर सुचीकृत भएको छ ।
विहीबार नै सुचीकृत भएको सेयरमध्ये जेविल्स् फाइनान्सको शतप्रतिशत हकप्रद बराबरको २८ लाख ८९ हजार ५६२ दशमलव ५० कित्ता सेयर रहेको छ ।
त्यस्तै ओरेयन्टल होटलको आथिर्क बर्ष २०७३/७४ को नाफाबाट बाँडेको १४ लाख २५ हजार १०६ दशमलव ३५ कित्ता बोनस सेयर समेत सुचीकृत भएको छ । कम्पनीले गत कात्तिक २३ गते सम्पन्न २० औं बार्षिक साधारण सभाले उक्त १८ प्रतिशत बोनस पारित गरेको थियो ।
२०७४ फाल्गुण ३ गते प्रकाशित
वि.सं.२०७४ फागुन ३ बिहीवार १९:४४ मा प्रकाशित
