जनकपुर, प्रदेश नं २ को प्रदेशसभा उपसभामुखमा संघीय समाजवादी फोरम नेपालका प्रदेशसभा सदस्य उपमाकुमारी देव आज निर्विरोध निर्वाचित हुनुभएको छ ।
समानुपातिक प्रदेशसभा सदस्य उहाँ सप्तरी जिल्लाबाट हुनुहुन्छ । सभामुख सरोजकुमार यादवले प्रदेशसभाको अन्तरिम कार्यविधि २०७४ को दफा ७ को उपधारा ९१० बमोजिम उपसभामुखमा देव निर्विरोध निर्वाचित भएको जानकारी दिएका थिए।
निर्धारित समयभन्दा ४५ मिनेट ढिलो गरी अपराह्न १ः४५ बजे शुरू भएको बैठक २ः०० बजेसम्म बसेको थियो । बैठकमा फोरमका ज्ञानेन्द्रकुमार यादवले प्रदशसभा सदस्य देवलाई उपसभामुखमा निर्वाचित गरियोस् भनी प्रस्ताव राखेका थिए भने राष्ट्रिय जनता पार्टी नेपालका प्रदेशसभा सदस्य सरिताकुमारी साहले समर्थन गरेका थिए।
प्रकाशित २०७४ फाल्गुण ४ गते
वि.सं.२०७४ फागुन ४ शुक्रवार १८:२८ मा प्रकाशित