भक्तपुर । राष्ट्रिय प्रजातन्त्र पार्टीका अध्यक्ष पशुपति शमशेर राणाले स्थायी सरकार नभएका अवस्थामा बिदेशीले हेप्ने बताएका छन् ।रफत सञ्चार क्लबले आज आइतबार आयोजना गरेको साक्षत्कार कार्यक्रममा बोल्दै राणाले मुलुकमा स्थायी सरकार नभएर कमजोर हुँदा नेपालमाथि बिदेशी हस्तक्षेप हुने गरेको बताए ।
कार्यक्रममा बोल्दै राणाले राप्रपा नेपालसँग छलफल गरेर मात्र आफ्नो पार्टी नयाँ बन्ने सरकारमा जाने नजाने टुंगो लाग्ने भन्दैे नजिकिँदै गरेको निर्वाचनलाई ध्यान दिएर सरकारमा जानु पर्ने आफ्नो पार्टीको भनाई रहेको जानकारी दिए ।
लामो समयदेखि दुई राप्रपाको एकिकरणको बिषय चर्चा परिचर्चामा रहेको भन्दै अध्यक्ष राणाले एकिकरण अन्तिम चरणमा पुगेको र छिट्टै एकता हुने बताउनु भयो । दुई पार्टीको एकिकरण पछि पार्टी राज्यको एउटा महत्वपूर्ण शक्तिको रुपमा आउने समेत उनले दाबी गरे ।
वि.सं.२०७३ साउन १६ आइतवार १३:४९ मा प्रकाशित
