काठमाण्डौं । उप–प्रधान तथा अर्थमन्त्री कृष्णबहादुर महरा सार्कको आठौं अर्थमन्त्री स्तरीय बैठकमा सहभागी हुन आज मंगलबार पाकिस्तान प्रस्थान जाने भएका छन् ।
नेपालका तर्फबाट उपप्रधानमन्त्री महराले अध्यक्ष राष्ट्रको रुपमा बैठकको अध्यक्षता गर्नेछन् । बैठकमा सार्कक्षेत्रको आर्थिक विकासका लागि सहकार्यका लागि छलफल हुनेछ । मन्त्री स्तरीय बैठक अघि भदौ ९ गते सार्कका अर्थ सचिवहरुको बैठक हुने कार्यक्रम रहेको छ । सचिव स्तरीय बैठकको भोलिपल्ट अर्थमन्त्रीहरुको बैठक हुने कार्यक्रम तय भएको छ ।
उपप्रधानमन्त्री महरा भदौ ११ गते स्वदेश फर्कने कार्यक्रम रहेको छ । सार्कको सातौ अर्थमन्त्री स्तरीय बैठक नेपालमा भएको थियो ।
७ भदौ २०७३, ११।००
वि.सं.२०७३ भदौ ७ मंगलवार १४:०९ मा प्रकाशित
