काठमाडौं । नेपाल एलपी ग्यास उद्योग संघले खाना पकाउने सिलिन्डरको न्यूनतम बीमा १ करोड गर्ने व्यवस्था लागु गरेको छ । संघले आफ्ना सदस्यहरुलाई १ करोड रुपैयाँको वीमा गर्न सर्कुलर जारी गरिसकेको छ ।
ग्यास सिलिन्डर पड्किएर उपभोक्ताको मृत्यु तथा घाइते र भौतिक क्षति हुँदा क्षतिपूर्वका बारेमा ग्यास कम्पनी र पीडित पक्षबिच लामो समयसम्म विवाद भइरहने भएको कारणले बीमा रकम बढाइएको हो । भौतिक क्षति, मृतकका परिवारलाई दिने क्षतिपूर्ति र घाइतेको उपचार रकम बीमा स्किममा छुट्याइएको छ । यसअघि भौतिक क्षतिको कुनै व्यवस्था राखिएको थिएन । ललितपुरमा एचपी ग्यास बिस्पोट हुँदा झन्डै १ महिनापछि ४१ लाख रुपैयाँ क्षतिपूर्ति दिने निर्णयपछि विवाद मिलेको थियो । आजको कारोबार दैनिकबाट ।
प्रकाशितः २०७३ भदौ २८
वि.सं.२०७३ भदौ २८ मंगलवार ११:३२ मा प्रकाशित
