काठमाण्डौं । सञ्चालनमा आएदेखि नारायणहिटी संग्रहालयबाट करिब १९ करोड रुपैयाँ राजश्व संकलन गरिएको छ ।
सर्वसाधारणका लागि खुला भएको करिब आठ वर्ष अवधिमा २२ लाख २१ हजार ८९२ जना पर्यटकबाट संग्रहालयले १८ करोड ६७ लाख ३४ हजार ६५५ रुपैयाँ राजश्व असुल गरिएको हो ।
स्थापनादेखि क्रमशः बृद्धि हुँदै गएको आम्दानी गत दुई आवमा घटोत्तरी भएको थियो । जसको कारण भूकम्प र भारतीय नाकाबन्दी थियो।
२०६५ सालमा माघ १६ गतेबाट खुला भएको संग्रहालयमा १३७ जना कर्मचारी छन्। उनीहरुकालागि गत साल ४ करोड रुपैयाँ खर्च भएको थियो ।
जनता गुनासो गर्छन्- पूर्वराजा वीरेन्द्रको निजी निवास श्री सदन र श्रीपेच कहिले हेर्ने ? शुक्रबार संग्रहालयमा भेटिएकफ चौमतीकी तारा कुँवरले भनिन्,‘ वीरेन्द्रको दरबार र श्रीपेच हेर्न पाइएन।’
पहिलेको राजदरबारको क्षेत्रफल ७५४ रोपनी आठ पैसा तीन दाम छ। यसलाई व्यवस्था परिवर्तनपछि नारायाणहिटी संग्रहालय बनाइएको हो। आजको कारोबार दैनिकमा छापिएको छ ।
प्रकाशितः २०७३ असोज १६
वि.सं.२०७३ असोज १६ आइतवार १०:०० मा प्रकाशित
