काठमाडौं । इन्धन खरिद प्रक्रिया र आपूर्तिमा अनियमितताको आरोप लागिरहेको बेला नेपाल आयल निगमले अपारदर्शी तरिकाले ग्यास बुलेट खरिद प्रक्रिया अगाडि बढाएको छ । देशलाई आवश्यक पर्ने बुलेट खरिका लागि व्यवासायीलार्ई अनुमति दिन लागिएको छ ।
निगमले ४ सय ५० वटा बुलेट खरिद गर्ने गरी प्रक्रिया अगाडी बढाएको छ । छोटो अवधिको सूचना सार्वजनिक गरी व्यवासायीबाट बुलेट खरिदका लागि आशयपत्र माग गरेको आयल निगमकै कर्मचारीले आरोप लगाएका छन् । तर, केही समयअगाडी गोरखापत्रमा सार्वजनिक सुचना प्रकाशित गरी खरिदका लागि प्रक्रिया अगाडी बढाईएको निगम प्रवक्ता मुकुन्द घिमिरिले बताए । ‘देशमा ग्याँस ढुवानीका लागि बुलेट अभाव हुँदा समस्या परेकोले गोरखापत्रमै सार्वजनिक सुचना गरेर बुलेट खरिद प्रक्रिया अगाडी बढाईएको हो ।’ घिमिरेले राताीपाटीसँग भने ।
नेपालमा ग्याँस ढुवानी गर्ने आफ्नै बुलेट छैनन् । नाकाबन्दीको समयमा यसले झन् ठूलो समस्या पारेको छ । यहि मौकालाई सदुपयोग गरी बुलेट खरिद प्रक्रिया अगाडी बढाईएको हो । खरिद प्रक्रियाका लागि इच्छुक व्यवसायीलाई आह्वान गरिएको सार्वजनिक सूचनापछि ८६ जनाले खरिद गर्ने आशयसहित निगममा निवेदन दर्ता गराएको स्रोतले बतायो । पेट्रोलिय पदार्थ भिाउन नीजि कम्पनीलाई अग्रिम भुक्तानी दिएको विषयमा निगम विवादमा तानिएको थियो ।
आयल निगमले भने यो बारेमा केही सार्वजनिक गर्न चाहँदैन । कसले कति बुलेट खरिद गर्नका लागि निवेदन दिएका छन भन्ने कुराको समेत निगमले केही जानकारी दिँदैन । यो केही दिन पछि निर्णय भएपछि सार्वजनिक हुने निगमका प्रवक्ता मुकुन्द घिमिरेले बताए । ‘केही व्यवसायीले आफूले खरिद गर्न चाहेको भनेर निवेदन दिनुभएको छ ।’ घिमिरेले भने, ‘केही दिनपछि निर्णय सार्वजनिक हुन्छ ।’
सूचना सार्वजनिक गर्न डराउनुका पछाडि कमिशनको खेल जोडिएको स्रोत बताउँछ । अहिले बुलेट खरिद गर्न इच्छुक व्यवासायीहरुसंग बार्गेनिङ्ग भईरहेकोले सूचना गोप्य राखिएको आयल निगम स्रोतको दावी छ । निगमले तत्काल ४ सय ४० वटा बुलेट गरीदको लागि तयारी गरेको छ । तर, ८६ जना व्यवसायीले १ हजार वटा बुलेट खरिदाका लागि निवेदन पेश गरेका छन् । ‘त्यसैले बढी कमिसन दिने व्यवसायीलाई अनुमति दिनका लागि बार्गेनिङ्ग चलिरहेको छ ’ निगम स्रोत भन्छ, ‘त्यसैले अहिले विवरण दिन आनाकानी गर्छन् ।’
प्रति बुलेट पाँच लाख कमिसन :
अहिले नेपालमा ग्यास आपूर्ति ढुवानी गरीरहेका बुलेटको सरदर मूल्य १ करोड पर्छ । निगमले यसपटक खरिद अनुमति दिन लागेका ४ सय ५० ट्याँकरको लागि कूल ४ अर्व ५० करोड मुल्य पर्न आउँछ । तर, आयल निगमका उच्च अधिकारीहरुले प्रति बुलेट ५ लाख रुपैयाँ कमिसन मागेको एक व्यवसायीले बताए । ‘हामीसँग प्रति बुलेट ५ लाख रुपैयाँको कुरा भईरहेको छ’ बुलेट खरिदका लागि निवेदन दिएका एक व्यवसायीले भने ‘देशका लागि समस्या परेर बुलेट पनि किन्ने, अनि कमिसन पनि माग्ने, यो त भएन नि भनेका छौँ । यही भएर अझै कुरा मिलेको छैन ।’
– राताेपाटी
वि.सं.२०७२ मंसिर १६ बुधवार १४:१० मा प्रकाशित
