Logo

भारत भ्रमणको उदेश्य पुरा हुँदै छः केपी ओली

काठमाण्डौं ।  प्रधानमन्त्री केपी शर्मा ओलीले  भारत भ्रमण गर्नुको उदेश्य पुरा हुँदै गएको बताएका छन् । उनले नेपाल र भारतबीच भएका सातवटा सम्झौता दुई देशको सम्बन्ध विस्तारमा महत्वपूर्ण उपलब्धि भएको बताएका छन्।

भ्रमण दलमा सहभागी सदस्यहरुलाई भारतीय प्रधानमन्त्री नरेन्द्र मोदी, भारत सरकारका विभिन्न मन्त्रीहरुसँग भएको छलफल र दुई पक्षीय वार्ताका बारेमा आइतबार विहान जानकारी गराउँदै प्रधानमन्त्री ओलीले दुई देशको सम्बन्ध विस्तारमा महत्वपूर्ण उपलब्धि भएको बताएका हुन्। प्रधानमन्त्री ओलीले भने–जुन उद्देश्यले यो भ्रमण भएको हो। त्यो उद्देश्य पूरा भएको छ।’

ओलीले नेपाल भारतबीच केही समय यता देखिएका तिक्तता हटेको समेत बताए। भारत सरकारले यो भ्रमणलाई राजकीय सम्मान दिएका कारण पनि दुवै देशको राजनीतिक सम्बन्ध अझै उचाइमा पुगेको प्रधानमन्त्री ओलीको भनाई छ।

उनले भने–दुवै देशबीच भएका समझदारीबाट दुवै देशको राजनीतिक, आर्थिक, विकास निर्माण र सांस्कृतिक सम्बन्धमा महत्वपूर्ण उपलब्धि प्राप्त भएको छ। यी समभदारी समझदारी नेपालको हितमा छन्।’

प्रधानमन्त्रीले ओलीले आफू र भारतीय प्रधानमन्त्रीबीच भएको एक्लाएक्लै वार्ता सौहार्दतापूर्ण र फलदायी भएको पनि बताएको प्रधानमन्त्रीका प्रेस सल्लाहकार प्रमोद दाहालले जानकारी दिए।

भारत सरकारले आफ्नो भ्रमणलाई राजकीय सम्मान दिएकोमा प्रधानमन्त्रीले भारत सरकार र भारतका सम्माननीय राष्ट्रपति प्रणव मुखर्जीप्रति आभार व्यक्त गरे। 
प्रकाशितः२०७२ फल्गुन ९

प्रतिक्रिया दिनुहोस्


कार्यालय : लाजिम्पाट २, काठमाडौँ
नेपाल

© 2018 All Right Reserved Arthatantra News
DEVELOPED BY appharu.com