Logo

आयो करिब साढे ९२ लाख कित्ता सेयर, जेठ १३ देखि आवेदन दिन पाइने

काठमाण्डौं । एनआइसी एशिया बैंकले चार बराबर एक९४ः१० अर्थात एक सय कित्ता सेयर बराबर २५ कित्ताका दरले हकप्रद निष्काशन गरेको छ । आगामी जेठ १३ गते देखि यो हकप्रद सेयरमा आवेदन दिन पाइनेछ । लगानीकर्ताले असार १५ गतेसम्म आवेदन दिन पाउने छन् ।

बैशाख ३० गतेसम्म सेयर किन्ने लगानीकर्ताले यो बैंकको हकप्रद पाउने छन् । बैशाख ३१ गते हकप्रद निष्काशनका लागि बुक क्लोज हुने जानकारी बैंकले दिएको छ ।

बैंकले ९२ करोड ३७ लाख ५४ हजार रुपैयाँ बराबरको ९२ लाख ३७ हजार पाँच सय ४० कित्ता हकप्रद जारी गर्न लागेको हो । चुक्ता पुँजी बृद्धि गर्न बैंकले हकप्रद निष्कासन गरेको हो । यो हकप्रद पछि बैंकको चुक्ता पुँजी चार अर्ब ६१ करोड ८७ लाख ७९ हजार रुपैयाँ पुग्नेछ ।

यो हकप्रद सेयरको निष्कासन तथा विक्री प्रबन्धकमा सिभिल क्यापिटल नियुक्त भएको छ । लगानीकर्ताले सिभिल क्यापिटल र एनआएसी एशिया बैंकका सबै शाखाबाट हकप्रद सेयर भर्न पाउँछन् ।

प्रतिसेयर एक सय रुपैयाँका दरले पैसा बुझाएर लगानीकर्ताले सेयर भर्न पाउँछन् । डिम्याट खातामा र कागजी प्रमाणपत्र दुबै भए हकप्रद फरक फरक भर्नुपर्ने छ ।

गत आर्थिक वर्षसम्मको नाफाबाट वितरण गरिएको बोनस समेत जोड्दा बैंकको चुक्ता पुँजी यही आर्थिक वर्षको अन्त्यसम्म पाँच अर्ब ४६ करोड ८६ लाख रुपैयाँ पुग्छ । चालु आर्थिक वर्षको अन्त्यसम्म बैंकले ८३ करोड रुपैयाँ खुद नाफा कमाउने अनुमान गरिएको छ ।

एनआइसी एशियामा सर्वसाधारण सेयर धनीको लगानी ४९ प्रतिसत र सस्थापक समूहको लगानी ५१ प्रतिसत छ ।

२६ बैशाख २०७३, १०।००

प्रतिक्रिया दिनुहोस्


कार्यालय : लाजिम्पाट २, काठमाडौँ
नेपाल

© 2018 All Right Reserved Arthatantra News
DEVELOPED BY appharu.com