काठमाण्डौं । तिहारमा मिठाई, फलफुल तथा ड्राइफुड्समा मुल्यवृद्धि र मिसावटलाई नियन्त्रण गर्न सरकारले आजै सोमबारदेखि पाँच वटा विशेष अनुगमन टोली परिचालन गर्ने भएको छ ।
आपूर्ति मन्त्रालयका सचिव प्रेमबहादुर राईको नेतृत्वमा द्रुत अनुगमन समिति मार्फत खाद्य प्रविधि तथा गुण नियन्त्रण विभाग, आपूर्ति व्यवस्थापन तथा उपभोक्ता हित संरक्षण विभाग, उपभोक्तावादी संगठन,प्रहरी लगायत सम्बन्धित क्षेत्रका १२ प्रतिनिधि सम्मिलित टोली गठन गरिएको छ ।
मन्त्रालयका सचिव राईका अनुसार टोलीले उपत्यकामा नाम चलेका मिठाई, फलफुल तथा ड्राइफुड्स पसलहरुमा अनुगमन गर्नेछ । सोमबारदेखि सुरु हुने विशेष अनुगमन तिहारसम्म चल्ने छ ।
१ कार्तिक २०७३, ११।००
वि.सं.२०७३ कात्तिक १ सोमवार १२:०४ मा प्रकाशित
