काठमाण्डौं । आज पुस ८ गतेदेखि नमस्ते वित्तीय संस्था लिमिटेडले एक कित्ता सेयर बराबर एक कित्ताको अनुपातमा हकप्रद सेयर बिक्री खुला गरेको छ । कम्पनीले १०० रुपैयाँ अंकित दरको तीन लाख ७५ हजार कित्ता सेयरको बिक्री खुला गरेको हो ।
कम्पनीको हकप्रद सेयरका लागि मंसिर २३ गतेसम्म कायम सेयरधनीले माघ १३ गतेसम्म आवेदन गर्न पाउने कम्पनीले जनाएको छ । हकप्रद सेयर प्रयोजनका लागि कम्पनीले मंसिर २४ गते सेयरधनी दर्ता पुस्तिका बन्द गरेको थियो ।
कम्पनीको सेयर निस्काशन तथा बिक्री प्रबन्धकमा एनएमबी क्यापिटल रहेको छ । हकप्रद सेयरका लागि एनएमबी बैंक लिमिटेड र यसका शाखा कार्यालय तथा नमस्ते वित्तीय संस्था घोराईबाट आवेदन दिन पाइने छ ।
८ पुस २०७३, १०।३०
वि.सं.२०७३ पुस ८ शुक्रवार १२:१२ मा प्रकाशित
