काठमाडौ । सामुदायिक रेडियोहरुको छाता संगठन सामुदायिक रेडियो प्रशारक संघ नेपाल (अकोराब)को १२औं साधारण सभा तथा छठौं अधिवेसन शुक्रबार राजधानीमा हुँदैछ । सामाजिक रुपान्त्रणका लागि सामुदायिक रेडियो भन्ने नाराका साथ सुरु हुने लागेको १२औं साधारणा सभा तथा छठौं अधिवेसनले सामुदायिक रेडियोको नयाँ नेतृत्व चयन गर्नेछ । अबिधेशन काठमाण्डौको त्रिपुरेश्वर स्थित वल्ड ट्रेड सेन्टरमा हुनेछ । अधिवेसनमा भाग लिन देशभरीका झण्डै ३ सय रेडियोकर्मी राजधानी आइसकेका छन् । नयाँ नेतृत्व चयन सँगै देशभरीका सामुदायिक रेडियो सञ्चालन, तिनीहरुले उत्पादन गर्ने सामग्रीका विषयमा पनि समिक्षा हुनेछ ।
२०५९ साल साउन २८ गते सामुदायिक रेडियो प्रसारक संघ संस्था दर्ता ऐन २०३४ अन्तर्गत समाजसेवाकारी गैरसरकारी संस्थाका रूपमा दर्ता भएको थियो । १९ वटा सामुदायिक रेडियोबाट बनेको प्रशारक संघको सदस्य संख्या २ सय ८७ छ । देशभरीमा सामुदायिक रेडियोको संख्या भने ३ सय ३ पुगिसकेको छ । राष्ट्रिय निर्देशन ऐन २०१८ अन्तर्गत मन्त्रीस्तरीय निर्णयबाट सामुदायिक रेडियो प्रसारक संघ पेशागतगत संगठनका रुपमा पनि दर्ता रहेको छ । सामुदायक रेडियो प्रसारक संघ (अकोराब) नेपालले सामुदायिक रेडियोको सामाजिक दायित्वलाई थप सशक्त बनाउँदै संस्थागत सुशासनका प्रवद्र्धनका लागि विभिन्न कार्यहरु गर्दै आएको छ ।
लोकतन्त्र, कानुनको शासन र मानवअधिकारमा आधारित सुशासनको अवधारणालाई नेपाली सामुदायिक रेडियो अभियानले अगाडि बढाउँदै आएको कुरा विदितै छ । समाजमा रहेका सार्वजनिक हितको क्षेत्रमा काम गर्ने सामुदायिक, सामाजिक तथा सार्वजनिक संस्था वा निकायहरूको सामाजिक उत्तरदायित्वका बारेमा रेडियोले खेल्दै आएको भूमिकालाई रेडियो विकासको उपलब्धिको सूचकका रूपमा पनि लिने गरिएको छ ।
नेपालका करिब ९५% नागरिकको पहुँच पुगेका सामुदायिक रेडियोहरुले ७० भन्दा वढी भाषामा सूचना, सन्देश, जानकारी र मनोरञ्जनात्मक कार्यक्रमहरु प्रशारण गरिहरेका छन् । सामुदायिक रेडियो प्रसारक संघले स्थानीय विषय वस्तुहरुलाई राष्ट्रिय स्तरमा र राष्ट्रिय स्तरका विषयवस्तुहरुलाई स्थानीय समुदायसँग पु¥याउन स्याटलाइट प्रविधि मार्फत सामुदायिक सूचना नेटवर्क सञ्चालन गरिरहेको छ । जुन नेपालको मात्रै होईन दक्षिण एसियाकै सबै भन्दा ठुलो र प्रभावकारी रेडियो नेटवर्क हो ।
प्रकाशित मितिः २०७३ पुस २१
वि.सं.२०७३ पुस २१ बिहीवार १८:५४ मा प्रकाशित
