काठमाडौ । सप्तकोशी डेभलपमेन्ट बैंकले आइतबारदेखि एक सय प्रतिशत हकप्रद सेयर बिक्री खुला गरेको छ । यो हकप्रद फागुन १ गते सम्ममात्र भर्न पाइनेछ । बैंकले १ः१ (एक कित्ता बराबर थप नयाँ एक कित्ता) अनुपातमा एक सय रूपैयाँ दरको १० लाख कित्ता हकप्रद सेयर बिक्री खुला गरेको हो ।
सप्तकोशीको हकप्रदमा पुस ७ गतेसम्म कायम सेयरधनीले मात्र भर्न सक्नेछन् । यो हकप्रदमा बिक्री प्रबन्धकको काम एनएमबि क्यापिटल लिमिटेड गर्दैछ । हकप्रद सेयर आवेदनको लागि सप्तकोशी डेभलपमेन्ट बैंक मोरङ टंकिसिनवारी र अन्य शाखा कार्यलय, एनएमबि क्यापिटल लिमिटेड नागपोखरी काठमाडौं तथा एनएमबि बैैंकका अधिकांश शाखा कार्यालयबाट आवेदन दिन सकिनेछ । एनएमबि क्यापटिल लिमिटेड नागपोखरी काठमाडौंबाट भने चेकमात्र बुझिने ब्यवस्था गरिएको छ ।
प्रकाशित मितिः २०७३ पुस २४
वि.सं.२०७३ पुस २४ आइतवार १४:३६ मा प्रकाशित
