काठमाण्डौं । फरवार्ड कम्युनिटी माइक्रोफाइनान्स वित्तिय संस्थाले सय रुपैयाँ अंकित दरका ६ लाख कित्ता साधारण सेयर निष्कासन गर्ने भएकोछ । माघ ९ गतेबाट भर्न मिल्ने उक्त साधारण सेयर ६ करोड रुपैयाँ बराबर मूल्यको रहेको कम्पनीले जनाएकोछ ।
दुवही सुनसरी प्रधान कार्यालय रहेको फरवार्ड कम्युनिटी माइक्रोफ़ाईनान्स वित्तीय संस्थाको सेयरलाई ईक्रा नेपाल लिमिटेडले फरवार्ड कम्युनिटीलाई आइपिओ ग्रेड ४ प्लसको प्रमाण पत्र दिएको छ। संस्थाले ३० हजार कित्ता सेयर कर्मचारी, ३० हजार कित्ता म्युचुअल फण्ड र ५ लाख ४० हजार कित्ता सेयर सर्वसाधारणलार्इ छुट्टयाएको छ ।
निष्कासन तथा बिक्री प्रबन्धक नबिल इन्भेष्टमेन्ट रहको छ । सेयर छिटोमा माघ १२ गते र ढिलोमा माघ २३ गते निष्काशन बन्द हुनेछ । लगानीकर्ताले नबिल इन्भेष्टमेन्ट बैंकिङ लिमिटेडको कार्यालय नक्साल, फरवार्ड कम्युनिटी माइक्रोफाइनान्स वित्तीय संस्थाको मुख्य कार्यालय सुनसरी, दुबही तथा फरवार्डको अधिकांश शाखा कार्यालयबाट पनि आवेदन फारम लिन र बुझाउन सकिने व्यबस्था छ ।
यसैगरी, एभरेष्ट बैंक लिमिटेडको उपत्यकाको न्यूरोड, नयाँ बानेश्वर, पुल्चोक ललितपुर, भक्तपुरमा फारम भर्न सकिनेछ । उपत्यका बाहिर पोखरा, वीरगञ्ज, जनकपुर, हेटौडा, नारायणगढ, चितवन, तथा बुटवल शाखा कार्यालयबाट पनि फाराम लिन र बुझाउन सकिनेछ ।
१४ करोड चुक्ता पूँजी रहेको कम्पनीले गत बर्ष १७ करोड ७७ लाख रुपैयाँ मुनाफा कमाएको थियो । नेटवर्थ ३५० रुपैयाँ रहेको कम्पनीको प्रति सेयर आम्दानी १२६।९५ रुपैयाँ रहेको छ।
२६ पुस २०७३, १२।००
वि.सं.२०७३ पुस २६ मंगलवार १२:५७ मा प्रकाशित
