Logo

बिदेशमा मजदुरी गरेर पाँच तोला घर लाँदा तस्करी देख्ने राज्य, ३३ किलो सुन भित्रिंदा किन मौन ?

संसारभरी नेपाली बहादुर, इमानदारी, सहयोगी अनि दयालु भनेर परिचित भइराखेको बेला ३३ किलो सुन प्रकरणले नेपाललाई बेस्सरी धक्का दियको छ । कुनै यस्ता घटनाहरु हुन्छन् जुन घटनाको बारेमा बोल्दिन लेख्दिन भन्दा पनि आफैँलार्इ त्यो घटनाले भित्र भित्र डसिरहेको हुन्छ ।
म अहिले मेरो प्यारो मातृभुमी भन्दा लगभग ५११६ माइलको दुरिमा छु । नेपालमा सञ्चार जगतमा आउने अधिकांश समाचारहरु अध्ययन गर्ने गर्छु । अध्ययान पछि राम्रो समाचारले खुशी बनाउँछ नराम्रो समाचारले दुःखी बनाउँछ यो त मानविय गुण नै हो ।

हाम्रो देस जहाँ आर्थिक, सामाजिक अनि राजनैतिक अस्थिरताले कयौँ युवाहरुलार्इ दिन दिनै बलजफ्ती बिदेश तिर धकल्दै छ । गरिखाने वातावरण राम्रो होला भन्दा झन झन राजनैतिक अस्थिरता र गरिबी वृद्धि हुँदैछ । कर्णालीका जनता भोको पेट तड्पिराखेका छ्न, दार्चुला, मुगु र बाजुराका जनताले सिटामोल समेत पाउन कठिन छ ।
हरेक राष्ट्र हरेक दिन घुस प्रथा र घुस विरुद्ध लडाइँ लडिरहेको बेला हाम्रो देशमा तस्करी घुस प्रथा बढ्दो छ । जुन घटनाले युवाहरू, जो नेपालमा बसेर केही गर्छु अनि प्रबासी युवाहरू, जो प्रबासमा सिकेका सिपलाइ नेपालमा गएर लगाउँछु भन्ने युवाहरूलाई कस्तो सन्देश जाला येस्ता घटना ले !
साधरण मजदुर जो आफ्नो खुसिहरु बेच्दै बर्सौ बिदेशी भुमिमा मजदुरी गरेर नेपाल फर्कँदा आफन्त र परिवारलार्इ पाँच तोला सुन लाँदा तस्करी करार गर्न । तर ३३ किलो सुन बोकेर ल्याउने तस्करिले ११ पटक सुन तस्कर गरि ३ सय किलो भन्दा बढी अबैध सुन भित्राउँदा राज्य किन मौन बस्छ ?
एयरपोर्टमा कर्मचारीहरु राज्य र मन्त्रीहरूबाट संरक्षित छन । जस्ले तस्करीलाई खादा लगाएर स्वागत गर्द्छ । सामान्य मानिसलार्इ विभिन्न झमेला दिन्छ । जिम्मेवारी के हो ? मानवीयता के हो ? कर्तव्य के हो ? उनीहरु थाह नभए जस्तो गर्छ्न । प्रवेशमा जाँदा लग्ने चाउचाउ र चिउरा उनीहरुले तस्करी सम्झन्छ्न र कन्टेनरमा फाल्दिन्छ्न । नेपाल आउँदा बच्चालाई ल्याएको चक्लेट फुटाउँछ्न् । यो कत्तिको मानवियता हो ?
हुनत यो ३३ किलो सुन प्रकरणमा मिडियहरुले पुर्ब गृहमन्त्री र अर्थ मन्त्रीसम्म मुछिएको दावी गरेका छन । अपेक्षा गरौँ सत्य तथ्य केही समयमा दूधको दूध र पानीको पानी बनेर आउला ! भुपि सेरचनले भने जस्तो यो हल्ला हल्लाको देस नहोला ! अनि पृथ्वीनारायणले भने जस्तो घुस खाने र लिने दुबै देशका सत्रु हुन भनेर प्रमाणित होला ! यदि सहि हो भने उहाँहरुबाट देशको सुनौलो भविष्यको कसरी आस गर्न सकिन्छ ! होइन भने किन मिडियाले कुरा उठायो ? हुनत चोरले म चोर हुँ भन्ने केही अपवाद बाहेक अहिलेसम्मको इतिहास छैन भन्दा पनि हुन्छ ।

२८ पुस २०७३

प्रतिक्रिया दिनुहोस्


कार्यालय : लाजिम्पाट २, काठमाडौँ
नेपाल

© 2018 All Right Reserved Arthatantra News
DEVELOPED BY appharu.com