काठमाडौ । नेपाली चलचित्र लप्पन छप्पनको ट्रेलर सार्वजनिक भएको छ । कलाकार दयाहांग राई, सौगात मल्ल र अर्पण थापाद्वारा अभिनित चलचित्र लप्प्न छप्पनको शुक्रबार ट्रेलर सार्वजनिक भएको हो ।
लप्पन छप्पनबाट चलचित्रमा दुई जना नयाँ अनुहारको पनि प्रवेश भएको छ । नवनायक प्रकाश जंग शाह र सिड खरेल नयाँ अनुहार हुन् । दुबै जनाले ओस्कार कलेज अफ फिल्म स्टडिजबाट अभिनयमा स्नातक गरिसकेका छन् ।
लप्पन छप्पनमा नायिकाको भूमिका वर्षा सिवाकोटीले निभाएकी छिन् । चलचित्रको धेरैजसो भाग युरोपीयन देश बेल्जियम, स्विट्जरल्याण, नेदरल्याण्, फ्रान्स, लग्जम्बर्गमा छायांकन भएका कारण पनि लप्पन छप्पनले दर्शकको मन जित्ने निर्माता डम्बर चन्दको आशा छ । लप्पन छप्पनबाट चलचित्र पहिलो पटक निर्माताको रुपमा आएका डम्बर चन्दले ओस्कार कलेज अफ फिल्म स्टडिजबाटै स्क्रिप्ट लेखन तथा निर्देशनमा स्नातक गरेका छन् ।
प्रवेश पौडेल र ओस्कारकै प्रकाश जंग शाहद्वारा तयार पारिएको चलचित्रको कथाबस्तु तथा नयाँ चलचित्रकर्मीको बाहुल्यता भएका कारण लगानी पनि धेरै गरेको निर्माताको भनाई छ । चलचित्रको निर्देशन मुकुन्द भट्टले गरेका छन् । चलचित्र आगामी चैत ११ गते रिलिज हुने तयारीमा छ ।
यो लिंक खोलेर हेर्नुस् भिडियो लप्पन छप्पन अफिसियल ट्रेलर
प्रकाशित मितिः २०७३ माघ २
वि.सं.२०७३ माघ २ आइतवार १४:३६ मा प्रकाशित
