गैरआवासीय नेपाली संघ नर्वेले कल्याणकारी कार्यका लागि संकलन गरेको रकम गैरआवासीय नेपाली संघ अन्तर्राष्ट्रिय समन्वय परिषद्का अध्यक्ष भवन भट्ट र एनसिसि बेल्जियमका उपाध्यक्ष योगिता थापाले संयुक्त रुपमा रु १ लाख ४० हजार ७ सय ८० र पैसा ५४ धुर्मुस सुन्तली फाउण्डेसनका अध्यक्ष सिताराम कट्टेललाई संघको सचिवालयमा संयुक्त रुपमा चेक हस्तान्तरण गरेका छन् । उक्त रकम रौतहट जिल्लाको चन्द्रनिगाहपुर स्थित सन्तपुरमा रहेका ४७ बाढीपिडत परिवारहरुकालागि निर्माण गरिने एकीकृत नमूना वस्तीमा उपयोग गरिने छ । सो एकीकृत वस्तीको निर्माण लागत करीव रु ६ करोड रहेको फाउण्डेसनका अध्यक्ष कट्टेलले जानकारी दिए ।
उनले गैरआवासीय नेपाली संघले सहयोग गरेकोमा हार्दिक आभार प्रकट गर्दै थप सहयोगको अपेक्षा पनि गरे । प्रति उत्तरमा संघका अध्यक्ष भट्टले धुर्मुस सुन्तली फाउण्डेसनले संचालन गरेका परोपकारी कार्यको प्रशंसा गर्दै यस्ता परोपकारी कार्यमा संघको सदैव सहयोग रहने छ भन्ने विश्वास दिलाए ।
प्रकाशित मितिः२०७४ कार्तिक २०
वि.सं.२०७४ कात्तिक २० सोमवार १२:२८ मा प्रकाशित
