back
NMB ad

दश वटा जहाज थपेर विमानस्थल २४ सै घण्टा सञ्चालन गर्नुपर्छ : सीएन पाण्डे

Kumari bank ad

काठमाडौं । नेपाल एसोशियसन अफ टुर्स एण्ड ट्राभल एजेन्ट (नाट्टा) को आगामी १२ जनवरी  २०१८ मा हुने अधिवेशनमा वर्तमान प्रथम उपाध्यक्ष सिएन पाण्डेले अध्यक्ष पदमा उम्मेदवारी घोषणा गरेका छन् । पाण्डेले बुधबार काठमाडौंमा आयोजित पत्रकार भेटघाटमा अध्यक्ष पदमा उम्मेदवारी घोषणा गर्दै आफु सर्वसम्म हुने दावी समेत गरे । पाण्डेले आफुलाई वर्तमान कार्यसमिति र अग्रजहरुले अध्यक्षमा अगाडी बढाएको बताउँदै सबै पक्षले सर्वसम्मत रुपमा स्वीकार गर्ने बताए । प्रस्तुत छ पाण्डेसंग गरिएको कुराकानीको संपादित अंश :

अध्यक्षमा तपाईको उम्मेदवारी किन ?
–विगत २७ वर्षदेखि पर्यटन व्यवसाय र डेढ दशकदेखि नाट्टाको संस्थागत विकासमा क्रियाशिल रहँदै आएको छु । नाट्टाको पोखरा च्याप्टरको विभिन्न पदमा रहँदै नाट्टा केन्द्रीय समितिमा ८ वर्षदेखि सदस्य, कोषध्यक्ष, द्वितिय उपाध्यक्ष र हाल प्रथम उपाध्यक्षको रुपमा काम गरिरहेको छु । यो बीचमा मैले नाट्टाको संस्थागत विकासमा धेरै काम गरेको छु । र अब नाट्टा मार्फत पर्यटन व्यवसायलाई प्राथमिकताको उद्योगको रुपमा स्थापित गर्न म संयोजक रहेको गोल्डेन जुब्ली उद्घाटन र समापन कार्यक्रमको प्रमुख एजेण्डा हो । यसलाई कार्यान्वयन गराउने मुख्य काम हो । र यसका लागि सरकारसँग समन्वय गर्न म सक्षम रहेको छु ।

तपाई सर्वसम्मत नेतृत्वको पक्षमा हो ?
–नाट्टाको वर्तमान कार्यसमितिमा, अग्रजहरु युवा व्यवसायीहरु सबैको चाहना र मैले प्रथम उपाध्यक्षको रुपमा दिएको सफल नेतृत्वको सबै व्यवसायीले सर्वसम्मत हुन आग्रह गर्नुभएको छ । म पनि सबै व्यवसायीलाई समेटेर अघि बढ्न तयार छु । सांगठनिक नेतृत्वका हिसाबले म सक्षम छु । डेढ दशकदेखि नाट्टाको विभिन्न जिम्मेवारीमा रहँदै कुशलतापूर्वक जिम्मेवारी पूरा गरेको छु । यस कारण म सर्वसम्मत नेतृत्वको आकांक्षी र सर्वसम्मतीको पक्षमा छु ।

नेपालका ट्राभल व्यवसायीका समस्या पनि धेरै छन यसमा तपाईको धारणा के छ ?
–यसका विविध समस्या सरकारसँग जोडिएका छन । कतिपय नीतिगत सम्बोधन गर्नुपर्ने विषय पनि रहेका छन । तीनको समाधानका लागि सरकारसँग सहज रुपमा समन्वय गरेर सबै विषय टुंग्याउने मेरो चाहना छ । नेपालको पर्यटन व्यवसायको मेरुदण्डको रुपमा रहेको ट्राभल व्यवसायलाई अझै आकर्षक र समस्या रहित बनाउन मेरो भूमिका महत्वपूर्ण हुनेछ ।

टिकेटिङ र भुक्तानीका समस्या पनि व्यापक छ कसरी समाधान गर्नुहुन्छ ?
–म लामो समयदेखि यस व्यवसायमा संलग्न छु । हाम्रो समूहमा टिकेटिङको प्रमुख विक्रेताहरुको सहभागिता हुन्छ । त्यहाँ भएका समस्याहरुको एकमुष्ठ रुपमा समाधानका निम्ति मैले प्राथमिकताका साथ काम गर्छु ।

ट्राभल व्यवसायमा ठूला र साना दुबैखाले लगानी छन यसको बीचमा केही दूरीजस्तो देखिन्छ यसलाई संयोजन गरेर सबै व्यवसायीलाई सन्तुष्ट तुल्याएर कसरी नेतृत्व दिनुहुनछ ?

–म आफैँ सानो लगानीबाट सुरु गरेर आज व्यवसायको विस्तारको चरणमा अघि बढीरहेको छु र म दुबैखाले व्यवसायीसँग निकट रहेर काम गरिरहेको छु । म नेतृत्वमा आएपछि साना लगानीका व्यवसायीलाई पनि थप लगानी गरी व्यवसाय वृद्धिका लागि सोही अनुसारको वातावरण सिर्जना गरी प्रेरित गर्छु । ठूला व्यवसायीको लगानीको संरक्षण गर्दै व्यवसायिक वातावरणलाई अझ मजबुद बनाउन भूमिका खेल्छु ।

cn pandey natta
तपाईहरुको व्यवसायमा केही विकृतिहरु पनि छन त्यसको न्यूनिकरणका लागि के योजना छ ?
–यो व्यवसायमा भएका विकृतिहरुको न्यूनिकरणका लागि हामीसँग ठोस योजनाहरु रहेका छन । हामी रेटमा बेञ्चमार्क कायम गर्छौं । अनधिकृत रुपमा सञ्चालित टिकेटिङ, टुरका लागि सरकारसँग समन्वय गरी नियन्त्रणको प्रयास गर्छांै । अन्तर्राष्ट्रिय बजारिकरण गर्न हाम्रा सदस्यहरुलाई सहुलियतका प्याकेजहरु निर्माण गरी पर्यटन बोर्ड मार्फत समन्वय गरी अघि बढाउछौँ ।

नेपाल भित्रै पछिल्लो पटक नेपालीहरुको घुम्ने बानीको विकास भएको छ । त्यसका लागि आन्तरिक पर्यटनको प्रवद्र्धन गर्ने कुनै योजना छन ?
–अवश्य छन । हामी नेपाल सरकार, निजी क्षेत्रको समन्वयमा ‘पे अन लिभ’को अवधारणामा कम्तिमा १५ दिन देशभित्रै घुम्नेगरी आधिकारिक ट्राभल एजेन्सि मार्फत घुम्ने व्यवस्था मिलाउँछौँ । जसले व्यवसायीलाई समेत एक तह माथि पुग्न टेवा पुग्छ ।

भएका पर्यटकीय गन्तव्यको संरक्षण र नयाँको खोजी र बजारिकरणका लागि केही योजना छन कि ?
– गोल्डेन जुब्लि समापन समारोहमा केही मुख्य पर्यटकीय गन्तव्यहरुका निर्वाचित प्रमुखहरुसंग व्यवसायीकोमाझ प्रतिबद्धता जनाउन कार्यक्रम सञ्चालन गर्यौं । र थप गन्ततव्यको पहिचान गरि पर्यटक विस्तार गर्न बसाई लम्व्याउन रणनीतिक योजना कार्यान्वयन गर्न पहल गर्छौं ।

पर्यटक आगमन बृद्धिको योजना के छ ?
–हामी नेपाल पर्यटन बोर्डसँग सहकार्य गरी अन्तर्राष्ट्रिय बजारमा नेपालका पर्यटन व्यवसायीको व्यापक रुपमा सहुलियत मेला व्यवसायको आयोजना गर्छौ । पर्यटक गन्त्यवबाट नेपालमा थप पर्यटक भित्र्याउन वायुसेवा कम्पनीलाई नेपालमा सीधा सम्पर्क गर्ने व्यवस्था मिलाउन पहल गर्छांै । संसारमा जुन देशको वायु सेवा प्रभावकारी हुन्छ त्यही देशमा पर्यटकको संख्या अत्याधिक वृद्धि हुन्छ । त्यसका लागि सरकारलाई नेपाल एयरलाइन्सको सेवा विस्तार गर्न कम्तिमा थप १० थान जाहाज खरिद गराउन पहल गर्छांै । त्रिभुवन विमानस्थलको क्षमता वृद्धि गरी २४ सै घण्टा सञ्चालन गर्ने, बन्दै गरेका अन्तर्राष्टिय विमानस्थल यथासक्य निर्माण गरी सञ्चालन गराउन पहल गर्ने र पूर्वाधारमा सडक, द्रूतमार्गको विकास, पार्कहरुको निर्माण सञ्चालन लगायतका गर्न विशेष पहल गरिनेछ ।

२०७४ पुस २० गते प्रकाशित

वि.सं.२०७४ पुस २० बिहीवार १६:४७ मा प्रकाशित

You can share this post!

आईपीओ निष्काशन गर्दै सिद्धि हाइड्रो, बिक्री प्रबन्धकमा सिटिजन्स क्यापिटल

आईपीओ निष्काशन गर्दै सिद्धि हाइड्रो, बिक्री प्रबन्धकमा सिटिजन्स क्यापिटल

वि.सं.२०८० चैत १५ बिहीवार १६:२५

काठमाडौं । सिद्धि हाइड्रो कम्पनी लिमिटेडले आईपीओ निष्काशन गर्ने भएको...

राष्ट्रियसभाका उपाध्यक्ष अर्यालको राजीनामा   

राष्ट्रियसभाका उपाध्यक्ष अर्यालको राजीनामा   

वि.सं.२०८० चैत १५ बिहीवार १६:१७

काठमाडौँ, १५ चैत : राष्ट्रियसभाका उपाध्यक्ष उर्मिला अर्यालले पदबाट राजीनामा...

हिमालमा हेलिकप्टरले बचाउँदै पर्यटकको ज्यान   

हिमालमा हेलिकप्टरले बचाउँदै पर्यटकको ज्यान   

वि.सं.२०८० चैत १५ बिहीवार १६:००

सुवास दर्नाल सल्लेरी (सोलुखुम्बु), १५ चैत : गत आइतबार सगरमाथा...

नेप्सेमा एक कम्पनीको मूल्य समायोजन

नेप्सेमा एक कम्पनीको मूल्य समायोजन

वि.सं.२०८० चैत १५ बिहीवार १५:५४

काठमाडौं । नेपाल स्टक एक्सचेञ्ज (नेप्से)ले बिहीबार एक कम्पनीको मूल्य...

जिहो–नयाँ वर्ष २०८१, ‘वि स्मार्ट राइड स्मार्ट अफर’ सार्वजनिक

जिहो–नयाँ वर्ष २०८१, ‘वि स्मार्ट राइड स्मार्ट अफर’ सार्वजनिक

वि.सं.२०८० चैत १५ बिहीवार १५:४८

काठमाडौं । CFMOTO र  ZEEHO   ब्राण्डको नेपालका लागि आधिकारीक वितरक...

दुई कम्पनीको सेयरमा नकरात्मक सर्किट, प्रतिकित्ता कुनको कति घट्यो ?

दुई कम्पनीको सेयरमा नकरात्मक सर्किट, प्रतिकित्ता कुनको कति घट्यो ?

वि.सं.२०८० चैत १५ बिहीवार १५:२४

काठमाडौं । साताको अन्तिम कारोबार दिन सेयर बजारमा सुधार आएको...