Logo

आफ्ना कार्यकर्ता भर्ती गराउने सरकारको कदमले पयर्टन क्षेत्रमा अस्थिरता – नेटा

काठमाडौ । कामचलाउको रुपमा रहेको सरकारले पर्यटन क्षेत्रका विभिन्न पदहरुमा एकलौटी आफ्ना कार्याकर्ता भर्ती गराउदा पर्यटन क्षेत्रमा पुन अन्यौलताको वातावरण सिर्जना भएको नेपाल राष्ट्रिय पर्यटन व्यवसायी संगठनले बताएको छ ।

सोमबार एक प्रेस विज्ञप्ती जारी गर्दै संगठनले ट्राभल तथा ट्रेकिङ्ग कम्पनीहरुका चुक्ता पुँजीलाई वृद्धीगर्ने नेपाल सरकारको निर्णयले श्रमजिवी ब्यवसायीहरुलाई चर्को मार पर्ने साथै कम्पनीमा चुक्ता गर्न नसकेर पुन बेरोजगारी गराउने अवधारणाको विकास भएको आरोप लागाएको छ ।

राज्यले पेशा ब्यवसाय गर्नलाई प्रोत्साहन गर्नुको सट्टा पुँजीमा वृद्धीगरी सिमित ब्यक्तिहरुको स्वार्थमा निर्णय गर्नाले थुप्रै पर्यटन ब्यवसायीहरुलाई विस्थापित गर्ने योजना भएको भन्दै संगठनले सरकारको कदमको कडा शब्दमा भत्र्सना गरेको छ । राज्यले देशको भौगोलिकताको आधारमा पर्यटकीय क्षेत्रमा क्षमता अभिवृद्धिको लागि लगानी गर्न आवश्यक भएको भन्दै संगठनले देशका विभिन्न भागमा भौतिक संरचनाहरुको निर्माण तथा स्तरोन्नती गर्नुपर्ने माग राखेको छ ।

कमजोर भौतिक संरचनाको कारणबाट देशमा गुणात्मक पर्यटक भित्र्याउन समस्याभएको ठहर गर्दै संगठनले मुलुकमा विनास भएका पुरातात्विक महत्वका धरोहरहरुलाई पुनर्निमाण गर्नुपर्ने विषयलाई वेवास्ता गरिएकोमा आपत्ती जनाएको छ । साथै देशमा गुणस्तरीय पर्यटनको प्रवर्धन गर्नलाई सुविधायुक्त संरचनाको निर्माण, सुलभ हवाई यातायात तथा सडक सञ्जालको तुरुन्त विकास गर्न आवश्यक रहेको टिप्पणी गरेको छ ।

चन्द्र प्रसाद रिजालको अध्यक्षतामा नेकपा (एमाले) का केन्द्रीय सदस्य तथा पर्यटन प्रवर्धन विभागका संयोजक सूर्य थापाको प्रमुख आतिथ्यतामा काठमाडौंमा सम्पन्न भएको नेपाल राष्ट्रिय पर्यटन ब्यवसायी संगठनको केन्दीय कमिटीको तेस्रो बैठक पश्चात संगठनले उक्त प्रेस विज्ञप्ती जारी गरेको हो ।

२०७४ पुष २४ गते प्रकाशित

प्रतिक्रिया दिनुहोस्


कार्यालय : लाजिम्पाट २, काठमाडौँ
नेपाल

© 2018 All Right Reserved Arthatantra News
DEVELOPED BY appharu.com