Logo

भर्नुहोस आवेदन, लघुवित्तको ३ करोडको आइपीओ बजारमा

काठमाडौं । सामुदायिक लघुवित्त वित्तीय संस्था लिमिटेडले ३ करोड रुपैया बराबरको साधारण शेयर (आईपीओ) निष्काशन गर्ने भएको छ । लघुवित्तको शेयरमा माघ ९ गतेदेखि १२ गतेसम्म आवेदन गर्न सकिने छ । न्युन आवेदन परेमा फागुन ८ गतेसम्म भर्ने मिति खुल्ला रहने छ ।

लघुवित्तले शेयर निष्कासन तथा बिक्री प्रबन्धकमा नेपाल एसविआई मर्चेण्ट वैकिङ हात्तिसार काठमाडौं लाई तोकेको छ । कम्पनीको सेयरमा लगानीकर्ताहरुले न्युनतम ५० कित्ता र अधिकतम १ हजार ५०० कित्तासम्म आवेदन दिन सक्नेछन् ।

लघुवित्त संस्थाले १०० रुपैया अंकित दरमा ३ लाख कित्ता साधारण शेयर निष्काशन गर्न लागेको हो । जसमध्य १२ हजार कित्ता कर्मचारीलाई, १५ हजार कित्ता सामुहिक लगानी कोषलाई र वाँकी रहेको २ लाख ७३ हजार कित्ता सर्वधारणलाई छुट्याइएको छ ।

लगानीकर्ताले बिक्री प्रबन्धक नेपाल एसबिआई मचेण्ट बैकिङ लिमिटेड हात्तिसार काठमाडौ, सामुदायिक लघुवित्त वित्तीय संस्था लिमिटेड केन्द्रीय कार्यालय तथा यसका शाखा कार्यालयहरु, नेपाल धितोपत्र वोर्डबाट अनुमति लिई आस्वा सेवामा सहभागी बैंक तथा वित्तीय संस्थाहरुबाट आस्वा प्रणाली मार्फत समेत आवेदन दिन सक्ने लघुवित्तले जनाएको छ ।

२०७४ पुष २७ गते प्रकाशित

प्रतिक्रिया दिनुहोस्


कार्यालय : लाजिम्पाट २, काठमाडौँ
नेपाल

© 2018 All Right Reserved Arthatantra News
DEVELOPED BY appharu.com