काठमाडौ । विशेष अदालतले नेपाल पर्यटन बोर्ड घोटालामा बोर्डका पुर्व सिइओ सहित तीन जनालाई सजाय सुनाएको छ । बोर्डमा एक अर्ब बढीको घोटाला भएको भन्दै अख्तियार दुरुपयोग अनुसन्धान आयोगले २०७१ चैत २० मा मुद्दा दायर गरेको थियो ।
घोटाला मुद्दाको सुनुवाई गर्दै विशेष अदालतका न्यायधीशहरु द्वारिकानाथ जोशी र नारायण प्रसाद पोखरेलको इजलासले पुर्व सिइओ निरौलालाई ७ वर्ष जेल सजाय सुनाएको छ ।
निरौलालाई कैद संगै ८० लाख ५१ हजार ३ सय रुपैया बिगो र ५४ लाख ५९ हजार सात सय रुपैया जरिवाना सजाय तोकेको छ । यस्तै बोर्डका तत्कालिन लेखा शाखा प्रमुख अनिलकुमार दास र वल्र्ड वाइड ट्राभलका महेन्द्र खनाललाई समेत दोषी देखाएको छ ।
लेखा प्रमुख दासलाई ६ वर्ष कैद संगै ५० लाख २९ हजार रुपैया बिगो र २४ लाख ३७ हजार ४ सय रुपैया जरिवाना तथा महेन्द्र खनाललाई एक लाख ५४ हजार रुपैया बिगो तिराउने फैसला गरेको छ । २३ जना विरुद्ध अख्तियारले मुद्दा दर्ता गरेको भएपनी बाकी २० जनाले सफाइ पाएका छन् ।
२०७४ फागुन १० गते प्रकाशित
वि.सं.२०७४ फागुन १० बिहीवार १९:२८ मा प्रकाशित