काठमाडौ । स्वदेशी लघुवित्त वित्तिय संस्थाले ११ करोड ५० लाख रुपैया बराबरको हकप्रद सेयर जारी गर्ने भएको छ । संस्थाले उक बराबर एकको अनुपातमा हकप्रद बेच्न लागेको हो ।
संस्थाको शतप्रतिशत अर्थात ११ लाख ५० हजार कित्ता सेयर बेच्नको लागि एनआईसी एशिया क्यापिटलले जिम्मेवारी पाएको छ । बिक्री प्रबन्धक नियुक्तिको सम्झौतापत्रमा स्वदेशीका प्रमुख कार्यकारी अधिकृत पुण्य प्रसाद खनिया र क्यापिटलका प्रमुख कार्यकारी अधिकृत झनक राज ढुङ्गेलले हस्ताक्षर गरेका छन् ।
बिक्री प्रबन्धक एनआईसी एशिया क्यापिटलले लगानी व्यवस्थापन, समुहिक लगानी कोष निक्षेप सदस्य (डीपी) र लगानी परामर्श सेवा प्रदान गर्दै आएको छ । क्यापिटलले निःशूल्क डिम्याट खाता खोल्नुका साथै पहिलो वर्षको सञ्चालन शूल्क नलिने गरेको जनाएको छ ।
२०७४ फागुन ११ गते प्रकाशित
वि.सं.२०७४ फागुन ११ शुक्रवार १९:५६ मा प्रकाशित