काठमाडौँ । नेकपा एमाले निकट पर्यटन व्यवसायीहरुको संगठन नेपाल राष्ट्रिय पर्यटन व्यवसायी संगठनको दोस्रो राष्ट्रिय महाधिवेशनले सर्वसम्मत नेतृत्व चयन गरेको छ ।
शुक्रबार अवेरसम्पन्न महाधिवेशनले ५१ सदस्यीय कार्यसमिति सर्वसम्मत चयन गरेको संगठनका निवर्तमान अध्यक्ष चन्द्र रिजालले बताए । नेकपा एमालेका केन्द्रीय सदस्य एवं पर्यटन प्रबद्र्धन विभागका प्रमुख सूर्य थापाको विशेष पहलमा सिंगो ५१ सदस्यीय कार्यसमिति सर्वसम्मत गर्न सफल भएको रिजालले जानकारी दिए ।
निर्वाचित केन्द्रीय कमिटीले पदाधिकारी चयन गर्ने परम्परा भएकोले शनिबार बस्ने बैठकद्वारा टुंगो लगाइने निवर्तमान महासचिव घनेन्द्र श्रेष्ठ बताउँछन् । नेकपा एमाले र नेकपा माओवादी केन्द्र बीच पार्टी एकताको प्रकृया अगाडी बढीसकेको र हिजै मात्र जनवर्गिय संगठनको भेला प्रशिक्षण मात्र गर्ने, नेतृत्व चयन प्रकृया स्थगित गर्ने एकता संयोजन समितिले निर्णय गरेको थियो । सोही निर्णयलाई आधार मान्दै सचिवालय गठन गरेर जाने प्रस्तावमाथी छलफल हुने श्रेष्ठ बताउँछन् ।
यस अघि नेतृत्वका लागि उपाध्यक्षहरु सीताराम सापकोटा र मदन आचार्य महासचिव घनेन्द्र श्रेष्ठले आकांक्षा प्रकट गरेका थिए । चार महिना पछि एकता महाधिवेशन गर्नु पर्ने भएकाले हाललाई पुरानै नेतृत्वले संयोजन गर्ने गरी सचिवालय गठन हुने संभावना रहेको एक पदाधिकारीले बताए ।
नयाँ कार्यसमितिलाई पर्यटनको विकासमा योजनावद्ध ढंगले काम गर्न निर्देशन दिँदै विभागका प्रमुख सूर्य थापाले व्यवसायलाई मर्यादित र व्यवस्थित बनाउनुपर्नेमा जोड दिए । साथै उनले आर्थिक समृद्धिको एउटा मुख्य आधार पर्यटन पनि भएकाले यसलाई उद्योगको मान्यता दिलाउन सरकारसँग अफूले पनि मध्यस्कर्ताको भूमिका निर्वाह गरिदिने प्रतिवद्धता व्यक्त गरे ।
कार्यसमितिमा सर्वसम्मत भएका व्यवसायीहरूले व्यवसायमैत्री वातावरण तयार गर्न संगठनलाइ क्रियाशिल तुल्याउने सामूहिक प्रतिवद्धता जनाए । साधै निर्वाचित कार्यसमितिका सदस्यहरूलार्इ शुक्रबारै थापाले पद तथा गोपनियताको शपथ गराइएको थियो ।
नेकपा (एमाले)का महासचिव ईश्वर पोखरेलले शुक्रबार अधिवेशनको उद्घाटन गरेका थिए । पोखरेलले नेपालमा पर्यटनका गन्तव्यलाई सदुपयोग गर्दै धेरै पर्यटक भित्र्याउनुपर्नेमा जोड दिए । मुलुकको सम्बृद्धिको महत्वपुर्ण विधा भएकाले सरकारले पाँच वर्ष भित्रमा पर्यटन क्षेत्रमा विकास गर्नुपर्ने कामको स्पष्ट खापा सहित प्रस्ताव ल्याउन आग्रह गरे ।
२०७४ फागुन १२ गते प्रकाशित
वि.सं.२०७४ फागुन १२ शनिवार ०९:०५ मा प्रकाशित
