काठमाण्डौं । प्रधानमन्त्री केपी शर्मा ओलीले एमाले नेता जागृत प्रसाद भेटवालको स्वास्थ्य स्थितीको जानकारी लिएका छन् ।
केही दिनदेखि भैंसेपाटी स्थित मेडीसीटी अस्पतालमा उपचार गराइरहेका भेट्वाललाई आज भेटेर प्रधानमन्त्री ओलीले स्वास्थ्य अवस्था बारे जानकारी लिएका हुन् । भेट्वालको रगतमा हुने प्लेटिलेट्सको संख्या अत्यन्तै कम रहेकोले अस्पताल भर्ना भएका हुन् ।
प्रधानमन्त्री ओलीलाई चिकित्सकहरुले भेट्वालको अवस्थामा क्रमश सुधार आइरहेको जानकारी गराएका छन् । प्रधानमन्त्री ओलीले भेट्वालको उपचारमा कुनै कसर बाँकी नराख्न चिकित्सकहरुलाई निर्देशन दिएका छन् ।
नेता भेट्वालले अस्पतालको शैयामा आफूलाई भेट्न आएकोमा प्रधानमन्त्री ओलीप्रति कृतज्ञता प्रकट गरेका छन् ।
वि.सं.२०७४ फागुन १२ शनिवार २१:१८ मा प्रकाशित