Logo

इन्स्योरेन्सको करिब १ अर्बको हकप्रद खुल्यो, आजै गर्नुहोस आवेदन

काठमाडौ । प्राइम लाइफ इन्स्योरेन्स कम्पनी लिमिटेडले ९७ लाख ६३ हजार २ सय कित्ता हकप्रदमा आईतबार अर्थात आजबाट आवेदन खुल्ला गरेको छ । कम्पनीले १ बराबर १.६ को अनुपातमा हकप्रद निष्काशन गरेको हो ।

कम्पनीको हकप्रदमा बैशाख २ गतेसम्म आवेदन गर्न सकिनेछ । चुक्ता पुँजी ६१ करोड २ लाख रुपैँया रहेको कम्पनीको सेयर बिक्री प्रबन्धक सिद्धार्थ क्यापिटल रहेको छ ।

गत फागुन १७ सेयरधनी पुस्तिका बन्द गरेको कम्पनीले ९७ करोड ६३ लाख २० हजार रुपैँया बराबरको १६० प्रतिशत हकप्रद निष्काशन गरेको छ । कम्पनीको हकप्रदमा फागुन १६ गतेसम्म कायम रहेका सेयरधनीले आवेदन दिन सक्नेछन् ।

१ सय ६० प्रतिशत हकप्रदको बाँडफाँड पश्चात कम्पनीको पुँजी १ अर्ब ५८ करोड रुपैयाँ पुग्नेछ । बीमा समितिको नियम अनुसार चुक्ता पुँजी बढाउनको लागि कम्पनीले हकप्रद निष्काशन गरेको जनाएको छ ।

चालु आर्थिक वर्षको पुष मसान्तसम्ममा ११ करोड ५१ लाख खुद नाफा गरेको कम्पनीको दोस्रो बजारमा सेयरमूल्य छ सय पचास रुपैँया रहेको छ । इन्स्यारेन्सले हाल कायम पूँजी र हकप्रदले समेत पाउने गरि समायोजित १२.५ प्रतिशत बोनस समेत वितरण गर्नेछ ।

हकप्रद बिक्री र बोनस सेयर पूँजीकरण पश्चात कम्पनीको चुक्ता पुँजी एक अर्ब ७८ करोड ४८ लाख ३५ हजार रुपैयाँ पुग्नेछ ।

कम्पनीको अहिलेको अवस्थामा प्रतिसेयर आम्दानी ३७ रुपैयाँ , मूल्य आम्दानी अनुपात ४५ रुपैयाँ ८२ पैसा, प्रतिसेयर नेटवर्थ २६६ रुपैयाँ ५६ पैसा तथा प्रतिशेयर कुल सम्पत्तीको मूल्य १३१४ रुपैयाँ छ ।

२०७४ फागुन २७ गते प्रकाशित ।

प्रतिक्रिया दिनुहोस्


कार्यालय : लाजिम्पाट २, काठमाडौँ
नेपाल

© 2018 All Right Reserved Arthatantra News
DEVELOPED BY appharu.com