काठमाडो । वित्तिय सन्तुलनको लागि राष्ट्र बैङ्कले रिपो मार्फत २० अर्ब रुपैँया वित्तिय बजारमा पठाउने भएको छ । राष्ट्र बैङ्कले बैङ्क तथा वित्तिय क्षेत्रमा रहेको तरलता असहजता अन्त्यको लागि उक्त रकम पठाउन लागेको हो ।
वित्तिय क्षेत्रमा रहेको तरलता समस्याले बैङ्क तथा वित्तिय संस्थाको अन्तर बैङ्क कारोबारको ब्याजदर ५ प्रतिशत नाघेपछी समाधानको लागि राष्ट्र बैङ्कले २० अर्ब रुपैँया पठाउन लागेको हो ।
वित्तीय बजारको तरलता समस्या समाधानका लागि राष्ट्र बैङ्कले तरलता कम भएका बेला रिपो मार्फत पैसा पठाउने र तरलता बढी भएका बेला रिभर्स रिपो मार्फत पैसा फिर्ता गर्ने गर्दछ ।
अन्तर बैङ्क ब्याजदर ५ प्रतिशत भन्दा बढी भएमा नेपाल राष्ट्र बैङ्कले ब्याजदर सम्बन्धी कार्यविधिमा व्यवस्था भएअनुसार रिपो मार्फत रकम प्रवाह गर्नुपर्ने हुन्छ । अहिले वित्तीय प्रणालीमा २२ अर्ब रुपैँया बराबरको तरलता रहेको छ ।
राष्ट्र बैङ्कले ५ प्रतिशत ब्याजदरमा चैत्र १४ गते परिपक्व हुनेगरि आजैबाट उक्त रिपो जारी गर्न लागेको हो । जारी गरिने रिपो दुई साताको लागि भएको राष्ट्र बैङ्कले जनाएको छ ।
२०७४ फागुन ३० गते प्रकाशित ।
वि.सं.२०७४ फागुन ३० बुधवार ०९:३४ मा प्रकाशित