काठमाडौं । नेपाल लाइफ इन्स्योरेन्स कम्पनीले ४२ प्रतिशत बोनस शेयर र २८.५३ प्रतिशत कर प्रयोजन सहित नगद लाभांस दिने प्रस्ताव पारित गर्न साधारण सभा बोलाएको छ ।
कम्पनीले १८ औं वार्षिक साधारणसभा चैत २८ गते डाकेको छ । चैत्र १ गते बसेको संचालक समितिको बैठकले साधारणसभाको मिति र छलफलका विषयहरु टुङ्ग्याएको हो ।
साधारणसभाले गत आर्थिक बर्षको वित्तीय विवरण पारित गर्ने छ । अधिकृत पूँजी बृद्धि गरि ८ अर्ब रुपैयाँ पुर्याउने विशेष प्रस्ताव सधारणसभामा लैजान लागेको जनाएको छ ।
साधारणसभाले संचालनक समितिबाट संस्थापक एवं सर्वसधारण शेयर समुह अन्तर्गत रिक्त संचलक पदहरुको बाँकी कार्यकालको लागि गरिएको नियुक्ती अनुमोदन गर्ने भएको छ।
कम्पनीले साधारणसभा प्रयोजनको लागि चैत्र १४ देखि २८ गतेसम्मको लागि बुक क्लोज गर्ने भएको छ।
गत आर्थिक वर्षमा ४१ करोड ६५ लाख रुपैयाँ खुद मुनाफा गरेको कम्पनीले गत आर्थिक वर्षमा कुल बीमा शुल्क आर्जन १२ अर्ब २१ करोड रुपैयाँ थियो ।
कम्पनीको चुक्ता पूँजी तीन अर्ब ९ करोड रुपैयाँ रहेको छ भने जगेडा कोषमा ४ अर्ब ७४ करोड रुपैयाँ रहेको छ । कम्पनीले अहिलेको पूँजी संरचना परिवर्तन गर्दै गर्दा संस्थापक तर्फको १० प्रतिशत शेयर थप प्रिमियममा शेयर बिक्री गर्नु पर्ने हुन्छ । शेयर संरचना परिवर्तन गर्दा १० प्रतिशत शेयर एफपिओबाट जारी गर्नु पर्ने हुन्छ ।
कम्पनीले अहिले ४२ प्रतिशत बोनस शेयर प्रस्ताव पारित गरेसँगै कम्पनीको चुक्ता पूँजी ४ अर्ब ३९ करोड रुपैयाँ पुग्नेछ ।
२०७४ चैत ४ गते प्रकाशित
वि.सं.२०७४ चैत ४ आइतवार ११:११ मा प्रकाशित