काठमाण्डौँ । काठमाडौं उपत्यकाको सवारी चापलाई कम गर्ने उदेश्यले सञ्चालन गर्ने भनिएको मोनो रेल निर्माणको विषयमा प्रदेश नंबर ३ का मुख्यमन्त्री डोरमणी पौडेलसँग मलेसियन कम्पनी “पावरटेक” र लगानीकर्ता “एञ्जल इन्भेष्टमेन्ट नेटवर्क” का प्रमुखहरुसँग छलफल भएको छ ।
आज काठमाडौंमा भएको भेटवार्तामा “पावरटेक” कम्पनी मलेसियाका अध्यक्ष अमिउद्दिन अदनान, निर्देशक सिएस सिल्भरजा तथा लगानी गर्ने मलेसियाको चर्चित नेटवर्क एन्जल इन्भेष्टमेन्टका अल्बर्ट पेरिनागामयले नेपालको राजधानी काठमाण्डौमा मानो रेल निर्माणमा सरकारको साथको अपेक्षा गरेका थिए ।
सरकारले लगानीका लागि वातावरण निर्माण गरिदिए आफुहरुले साढे ३ वर्ष भित्रमा मोनेरेल निर्माण पुरा गरि सञ्चालन गर्ने उनीहरुको धारणा रहेको थियो ।
२८ दशमल ५ किलो मिटरको चक्रपथमा निर्माण गर्ने लक्ष्य राखिएको मोनेरेल निर्माणको लागि ८० अर्ब देखि १ खर्बसम्म लाग्ने अनुमान गरिएको छ । ९ महिनाको डिपिआर सहित ३ वर्ष ६ महिनामा निर्माण सम्पन्न गर्ने गरी आफुहरुलाई लगानी गर्ने वातावरण निर्माण गर्न कम्पनीका प्रतिनिधिहरुले प्रदेश सरकारलाई आग्रह गरेका हुन् ।
मानो रेल निर्माणको ३० वर्षपछि सरकारलाई हस्तान्तरण गर्ने बताउँदै कम्पनीका प्रतिनिधिहरुले सरकारलाई लगानीमैत्री वातावरणको लागि आग्रह गरेका हुन् ।
कम्पनीको धारणपछि मुख्यमन्त्री पौडेलले काठमाडौंको लागि मानोरेल अत्यावश्यक भएको भन्दै सरकार यो विषयमा गम्भिर भएर लाग्ने बताए । सरकारले लगानीमैत्री वातावरण निर्माणको लागि कानुन निर्माणको चरणमा काम गरिरहेको उनको भनाई थियो । भेटघाटमा पुर्व अर्थमन्त्री विष्णु पौडेलको समेत उपस्थिती रहेको थियो ।
२०७४ चैत ६ गते प्रकाशित
वि.सं.२०७४ चैत ६ मंगलवार २२:३६ मा प्रकाशित
