काठमाडौ । सांग्रिला डेभलपमेन्ट बैंक लिमिटेडले ९ लाख एक हजार ९ सय ९७ कित्ता सेयरको लिलामी प्रक्रिया सुरु गरेको छ । कम्पनीले हकप्रदमा अवितरित उक्त परिमाणको सेयर लिलामी गर्ने भएको हो ।
कम्पनीले गत पुस १७ गतेदेखि माघ २९ गतेसम्म निष्कासन गरेको ८० प्रतिशत हकप्रद शेयरमा बिक्री नभएको सेयर लिलामी गर्न लागेको हो । बैंकले हकप्रदमा कारोबार नभएको ३ लाख ९२ हजार ७७२ कित्ता संस्थापक तथा ५ लाख ९ हजार २२५ कित्ता सर्वसाधारण समूहको सेयर लिलामी गर्न लागेको हो ।
कम्पनीको दोस्रो बजारमा मंगलबार १६७ रुपैँयाको मूल्यमा सेयर कारोबार भएको छ । न्युनतम १ सय रुपैँयामा बोलकबोल गर्न सकिने लिलामी सेयर खरिदका लागि यही चैत १३ गते देखि २० गतेसम्म शिलबन्दी बोलपत्र पेश गर्ने सकय तोकिएको छ ।
प्रभु क्यापिटल लिमिटेड बिक्री प्रबन्धक रहेको कम्पनीको शेयरका लागि प्रभु क्यापिटल, सांग्रिला डेभलपमेन्ट बैंकका केन्द्रिय तथा पोखरा, बुटवल, नारायणगढ, नेपालगंज, सुर्खेत, अत्तरिया, घोराही शाखा कार्यालय र प्रभु बैंकका वीरगंज, विराटनगर र धनगढी शाखा कार्यालयबाट शिलबन्दी बोलपत्र पेश गर्न सकिनेछ ।
२०७४ चैत ७ गते प्रकाशित ।
वि.सं.२०७४ चैत ७ बुधवार ०८:४० मा प्रकाशित