काठमाडौ । शिवम् सिमेन्ट लिमिटेडले स्थानिय र सर्वसाधारणको लागि ५२ करोड ८० लाख रुपैँया बराबरको साधारण सेयर आईपिओ जारी गर्ने भएको छ । कम्पनीले जारी पूँजीको १२ प्रतिशत सेयर निष्काशन गर्न लागेको हो ।
कम्पनीले स्थानियको लागि १० करोड ५६ लाख रुपैँया र सर्वसाधारणको लागि ४२ करोड १४ लाख रुपैँया बराबरको सेयर जारी गर्न लागेको हो । धितोपत्र बोर्डले न्युनतम १० प्रतिशत सेयर सर्वसाधारणलाई निष्कासन गर्न पाउने व्यवस्था गरेपछि कमपनीले आईपीओ बेच्न लागेको हो ।
जारी पूँजी ४ अर्ब ४० करोड रुपैँया रहेकको कम्पनीको १२ प्रतिशतले हुने ५२ लाख ८० हजार कित्ता आईपिओ निष्काशनको लागि कम्पनीले सिद्धार्थ क्यापिटललाई बिक्री प्रबन्धक तोकेको छ ।
दैनिक ६ हजार टन सिमेन्ट उत्पादन गर्दै आएको कम्पनीले प्रिमियम सहित आइपिओ निष्काशन गर्न लागेको हो । तर कती प्रिमियम कायम गर्ने भने तय भएको छैन । कम्पनीको माघ २१ गते सम्पन्न विशेष साधारणसभाले सर्वसाधारणहरूलाई प्रिमियम मूल्यमा आईपिओ जारी गर्ने प्रस्ताव पारित गरेको थियो ।
चीनको होङसी सिमेन्ट ग्रुपसँग साझेदारी रहेको हेटौँडास्थित शिवम् सिमेन्ट आईपिओ निष्कासन गर्ने नेपालको पहिलो सिमेन्ट उद्योग हो । अर्घाखाँची सिमेन्ट लगायतका अन्य केही सिमेन्ट उद्योग पनि आईपीओ निष्कासनको तयारीमा रहेका छन् ।
२०७४ चैत १५ गते प्रकाशित ।
वि.सं.२०७४ चैत १५ बिहीवार ०८:५५ मा प्रकाशित
