काठमाडौं । नेपाल लाइफ इन्सुरेन्सको अठारौं वार्षिक साधारण सभा आज चैत २८ गते हुँदैछ । सभामा नेपाल लाइफले ४२ प्रतिशत बोनस सेयर र २८.५३ प्रतिशत नगद गरी ७०.५३ प्रतिशत लाभांश वितरण गर्ने प्रस्ताव पेश गर्दैछ । कम्पनीले १ अर्ब ३० करोड ५ लाख रुपैयाँ बोनस वितरण र ८८ करोड ३२ लाख ९७ हजार रुपैयाँ नगद लाभांशका लागि खर्च गर्नेछ ।
हाल कायम संस्थापक तथा साधारण सेयरधनीको शेयर स्वामित्व संरचनालाई परिर्वतन गर्ने अर्को प्रस्ताव पनि लैजाँदैछ । जस अनुसार संस्थापक शेयरधनीको १० प्रतिशत हिस्सा सेयर साधारण सेयरमा परिणत गरिनेछ । हाल कम्पनीमा संस्थापकको ७० प्रतिशत र साधारण सेयरधनीको ३० प्रतिशत सेयर स्वामित्व रहेको छ । यसलाई परिर्वतन गरेर संस्थापकको ६० प्रतिशत र सर्वसाधारणको ४० प्रतिशत कायम गर्ने प्रस्ताव साधारण सभामा लगिनेछ ।
साधारण सभा गर्न नेपाल लाइफले चैत १४ गतेदेखि बुधबारसम्म बुक क्लोज गरेको छ । चैत १३ गतेसम्म कायम सेयरधनीले बोनस र नगद लाभांश पाउनेछन् । हाल नेपाल लाइफको चुक्ता पुँजी ३ अर्ब ९ करोड ६४ लाख २८ हजार ६२५ रुपैयाँ छ । बोनसपछि चुक्ता पुँजी ४ अर्ब ३९ करोड ६९ लाख २८ हजार ६ सय २५ रुपैयाँ पुग्नेछ ।
चालु आर्थिक वर्षको दोस्रो कम्पनीले त्रैमासमा २७ करोड ९६ लाख ८० हजार ६११ रुपैयाँ खुद नाफा कमाएको छ । प्रतिसेयर आम्दानी १८ रुपैयाँ ०६ पैसा रहेको नेपाल लाइफको प्रतिसेयर नेटवर्थ २७२ रुपैयाँ ९३ पैसा छ ।
२०७४ चैत् २८ गते प्रकाशित
वि.सं.२०७४ चैत २८ बुधवार ०९:५४ मा प्रकाशित
