काठमाडौं । नेपाल टेलिकमले नयाँ वर्ष २०७५ को अवसरमा नयाँ अफर ल्याएको छ । टेलिकमले वैशाख १ देखि १५ गतेसम्म लागू हुने गरी आकर्षक अफर ल्याएको हो । टेलिकमले ह्याप्पी विकेण्ड, अनलिमिटेड जिएसएम–सिडिएमए नाइट डाटा प्याक, एडीएसएल भोलुम बेस्ड प्याकेज र एडीएसएल अनलिमिटेड प्याकेज जस्ता अफर ल्याएको छ ।
जसमा ह्याप्पी विकेण्ड प्याक अन्तर्गत जिएसएम–सिडिएमए प्रिपेडर–पोष्टपेड मोबाइलमा शुक्रबार, शनिबार र आइतबार १ सय रुपैयाँमा १ जिबी डाटा प्रयोग गर्न सकिनेछ । जुन १ हप्ताका लागि हुनेछ । यस्तै, अनलिमिटेड जिएसएम–सिडिएमए नाइट डाटा प्याक अन्तर्गत १ जिबी डाटा खरिद गर्न सकिनेछ ।
१५ रुपैयाँमा खरिद गर्न सकिने यो डाटा राति १० बजेदेखि बिहान ६ बजेसम्म चलाउन सकिनेछ । १ जिबी डाटा थ्रि जी र फोर जीको गतिमा चल्नेछ । अर्को एडीएसएल भोलुम बेस्ड प्याकेज अफर अन्तर्गत २ सय रुपैयाँमा १५ जीबी डाटा ३० दिनसम्म प्रयोग गर्न सकिनेछ भने ३ सय रुपैयाँमा २५ जिबी डाटा र ४ सयमा ४० जिबी डाटा ३० दिनसम्म प्रयोग गर्न सकिने छ ।
टेलिकमका अनुसार ग्राहकले तीन सय रुपैयाँमा २५ जीबी डाटा र चार सय रुपैयाँमा ४० जिबी डाटा ३० दिनसम्म प्रयोग गर्न सकिनेछ। टेलिकमले नयाँ वर्षमा ल्याएको उक्त अफर अन्तर्गत एडीएसएल अनलिमीटेड प्याकेजमा ५ एमबीपीएस गतिको इन्टरनेट सेवा लिन सकिनेछ ।
कम्पनीका अनुसार ग्राहकले तीन हजार सात सय पचास रुपैयाँको प्याकेजमा एक सय ८० दिनसम्म र सात हजार रुपैयाँमा एक वर्षसम्म अनलिमीटेड डाटा पारयोग गर्न सक्नेछन्।
२०७४ चैत ३० गते प्रकाशित
वि.सं.२०७४ चैत ३० शुक्रवार १७:३० मा प्रकाशित