काठमाडौं । नेपाल सेवा लघुवित्त वित्तीय संस्थाले वैशाख १२ गते देखि आइपीओ बिक्री खुला गर्दैछ । कम्पनीले १०० रुपैयाँ दरको १ लाख ८० हजार कित्ता आइपीओ निष्कासन गर्न लागेको हो । यसमध्ये ३ हजार ६०० कित्ता कम्पनीका कर्मचारी र ९ हजार कित्ता सेयर सामूहिक लगानी कोषलाई छुट्याएर बाँकी १ लाख ६७ हजार कित्ता सर्वसाधारणलाई बिक्री गर्न लागिएको हो ।
लगानीकर्ताले आस्वा सदस्य सम्पूर्ण बैंक तथा वित्तीय संस्थाबाट आवेदन दिन सक्नेछन् । कम्पनीले ३० प्रतिशत सेयर सर्वसाधारणमा जारी गर्न लागेको हो । ७० प्रतिशत हिस्सा भने संस्थापकसँगै रहनेछ । यसको लागि बिक्री प्रबन्धक एनएमबि क्यापिटललाई तोकेको छ ।
यस आइपीओमा वैशाख १६ गतेसम्म आवेदन दिन सकिनेछ । यस अवधिमा आवश्यक मात्रामा आवेदन नपरेमा भने जेठ १० गतेसम्म भर्न सकिने व्यवस्था छ । यसमा न्यूनतम ५० कित्तादेखि अधिकतम ९ हजार कित्तासम्म आवेदन दिन सकिनेछ । नेपाल सेवाकोे केन्द्रीय कार्यालय सिन्धुपाल्चोक जिल्लामा छ ।
२०७५ बैशाख ११ गते प्रकाशित
वि.सं.२०७५ वैशाख ११ मंगलवार १३:४० मा प्रकाशित