Logo

सूर्या लाइफको ८७ हजार कित्ता हकप्रद बिक्री खुल्यो, कहाँवाट दिने आवेदन ?

काठमाडौं । सूर्या लाइफ इन्स्योरेन्स कम्पनीले सोमबारदेखि १० बराबर ४ को अनुपातमा हकप्रद सेयरको बिक्री खुला गरेको छ । कम्पनीले एक सय अंकित मूल्यका २८ लाख ८७ हजार ५०० कित्ता हकप्रद शेयर निष्काशन गरेको हो । बैशाख ४ गतेसम्म नेप्सेमा कारोबार भई कायम साविक शेयरधनीहरुले यस हकप्रदमा असार ३ गतेसम्म आवेदन दिन सक्नेछन् ।

बिक्री प्रबन्धक एनआइसी एसिया क्यापिटल बबरमहल, काठमाडौं तथा आस्वामा सहभागी सम्पूर्ण बैंक तथा वित्तीय संस्थाबाट हकप्रदका लागि आवेदन दिन सकिनेछ । यस्तै, सूर्या लाइफको उपत्यका भित्रका नक्साल, काठमाडौं र पाटन, ललितपुर तथा उपत्यका बाहिरका अधिकांश शाखाबाट पनि आवेदन दिन मिल्नेछ ।

हाल कम्पनीको चुक्ता पूँजी ७२ करोड १८ लाख ७५ हजार रुपैयाँ रहेको छ । हकप्रद निष्कासन तथा बाँडफाँड पश्चात कम्पनीको चुक्ता पूँजी एक अर्ब एक करोड ६ लाख २५ हजार रुपैयाँ पुग्नेछ । जीबन बीमा कम्पनीले बीमा समितिको निर्देशन अनुरूप २०७५ असार मसान्तसम्म दुई अर्ब पूँजी कायम गर्नुपर्ने हुन्छ । जसका लागि हकप्रद पश्चात कम्पनीले ९९ करोड थप पूँजी विस्तार गर्नुपर्ने देखिन्छ ।

चालू आर्थिक बर्षको तेश्रो त्रैमासमा कम्पनीले ९ करोड ७७ लाख रुपैयाँ खुद नाफा आर्जन गरि प्रतिसेयर आम्दानी १८ रुपैयाँ ६ पैसा कायम गरेको छ । कम्पनीको सेयरमूल्य सोमबार प्रतिकित्ता ७२० रुपैयाँ हाराहारीमा कारोबार भैरहेको छ ।

२०७५ बैशाख ३१ गते प्रकाशित

प्रतिक्रिया दिनुहोस्


कार्यालय : लाजिम्पाट २, काठमाडौँ
नेपाल

© 2018 All Right Reserved Arthatantra News
DEVELOPED BY appharu.com