काठमाडौं । नागरिक लगानी कोषले २२.०६ प्रतिशत बोनस सेयर दिने भएको छ । कोषले बोनस सेयरमा लाग्ने कर तिर्न १.१६ प्रतिशत नगद लाभांश पनि दिने जनाएको छ । लगानी कोषले गत आर्थिक वर्ष २०७३/७४ को नाफाबाट बोनस र नगद लाभांश दिन लागेको हो । बोनस प्रस्ताव आगामी वार्षिक साधारण सभामा पेश गरिने कोषले जनाएको छ ।
बोनस सेयरका लागि १९ करोड ९२ लाख २८ हजार ९६६ रुपैयाँ र कर तिर्न १ करोड ४ लाख ८५ हजार ७३५ रुपैयाँ खर्च गर्नेछ । यसअघि गत वैशाख ७ गते पनि आर्थिक वर्ष २०७२/७३ को वार्षिक साधारण सभा गरी २२ प्रतिशत बोनस र १.१५ प्रतिशत नगद लभांश दिने प्रस्ताव पारित गरिसकेको छ । उक्त बोनस नेप्सेमा सूचीकरण हुन बाँकी नै छ ।
२०७५ जेठ ७ गते प्रकाशित
वि.सं.२०७५ जेठ ७ सोमवार १३:१७ मा प्रकाशित