काठमाडौं । शुभम पावर लिमिटेडले जेठ २० गतेदेखि संखुवासभा जिल्लाका आयोजना प्रभावित बासिन्दाका लागि आइपीओ बिक्री गर्ने भएको छ । कम्पनीले १०० रुपैयाँ दरको २ लाख कित्ता बिक्री गर्न लागेको हो । यसमा असार ३ गतेसम्म आवेदन दिन सकिनेछ । तोकिएको अवधिभित्र आवश्यक आवेदन नपरेमा असार २४ गतेसम्म भर्न पाइनेछ ।
कम्पनीले आयोजना प्रभावित संखुवासभाका स्थानीयलाई १० प्रतिशत आईपिओ निष्कासन गर्न लागेको हो । यसमा न्यूनतम ५० देखि अधिकतम १ हजार कित्तासम्म आवेदन दिन पाइनेछ ।
बिक्री प्रबन्धकको काम सीबीआइएल क्यापिटलले गर्नेछ । आवेदकले शुभम पावर लिमिटेड चैनपुर संखुवासभा, एनएमबि माइक्रोफाइनान्स वित्तीय संस्था तुम्लिङटार र मामलिङ शाखाबाट सेयर भर्न सकिनेछ । यसैगरी, प्राइम बैंकको खाँदबारी र तुम्लिङटार शाखाबाट पनि आवेदन दिन पाइनेछ । एभरेष्ट बैंक र सेन्चुरी बैंकको खाँदबारी शाखाबाट पनि सेयर भर्न सकिने सुविधा छ । शुभमले हाल ९९० किलोवाटको पिलुवाखोला जलविद्युत आयोजना सम्पन्न गरी ०६८ साउन १ गतेदेखि बिजुली उत्पादन गरिरहेको छ
२०७५ जेठ ८ गते प्रकाशित
वि.सं.२०७५ जेठ ८ मंगलवार ११:०१ मा प्रकाशित
