काठमाडौं । शिखर इन्सुरेन्सले २९ प्रतिशत बोनस सेयर सेयरधनीहरुको डिम्याट खातामा जम्मा गरिदिएको छ । कम्पनीले गत मंसिर २१ गतेसम्म सेयर डिम्याट गराएकाहरुको बोनस खातामै जम्मा गरिदिएको हो । त्यस्तै, त्यस समय पश्चात डिम्याट गरेका सेयरधनीहरुको बोनस सेयर पनि क्रमशः जम्मा गरिदिने बताएको छ ।
हालसम्म भौतिक रुपमै सेयर लिएका सेयरधनीले भने एनआइबीएल एस क्यापिटल लिमिटेड लाजिम्पाट काठमाडौं, लालदरवार काठमाडौं सहित ललितपुर, पोखरा, वीरगञ्ज, बुटवल र विराटनगर शाखा कार्यालयमा सम्पर्क गरी तत्काल सेयर अभौतिकीकरण गर्न भनिएको छ । डिम्याट गराएपछि मात्र बोनस खातामा जम्मा हुनेछ ।
सेयर धितोकर्जा लिएका सेयरधनीको हकमा भने सम्बन्धित बैंक तथा वित्तीय संस्थाको धितो फुकुवाको स्वीकृति पत्र बुझएपछि मात्र खातामा बोनस जम्मा हुनेछ । शिखर इन्सुरेन्सको गत पुस ७ गते सम्पन्न साधारण सभाले गत वर्षको नाफाबाट २९५ प्रतिशत बोनस सेयर र कर तिर्न १.५३ प्रतिशत नगद लाभांश दिने प्रस्ताव पारित गरेको हो ।
२०७५ जेठ १६ गते प्रकाशित
वि.सं.२०७५ जेठ १६ बुधवार २०:०२ मा प्रकाशित