काठमाडौं । नेपाल बैंकर्स एसेसियसनले भद्र सहमती खारेज गरेलगत्तै बैंकहरुबीच ब्याजदर बढाउने तिब्र प्रतिस्पर्धा चलेको छ । ब्याजदर बढाएर निक्षेप तान्ने दौडमा हालसम्म सबैलाई पछि पार्दै सेन्चुरीले सर्वाधिक व्याजदर दिने निर्णय सार्वजनिक गरेको छ ।
सेञ्चुरीले एक बर्षे मुद्धतीको ब्याजदर १२.५० प्रतिशत पुर्याएको छ । बैंकले ३ देखि ६ महिनासम्मको मुद्धती खातामा वार्षिक ब्याजदर १२ प्रतिशत र ६ महिना देखि एक वर्षसम्मको मुद्धती खातामा वार्षिक १२.५ प्रतिशत ब्याज प्रदान गर्ने योजना अघि सारेको हो ।
यसअघि मंगलबारबाटै प्राईम कमर्सियल बैंकले न्यूनतम मौज्दात ५० हजार रुपैयाँमा एक बर्ष वा सोभन्दा बढी अवधिको मुद्धती निक्षेपमा बार्षिक १२ प्रतिशत ब्याजदर प्रदान गर्ने बताएको थियो । सिभिल बैंकले तीन लाख रुपैयाँ न्यूनतम मौज्दात राख्नुपर्ने २२२ दिने मुद्धती खातामा १२.२२ प्रतिशत र १० हजार न्यूनतम मौज्दात रहेको चन्द्रसूर्य बचत खातामा १० प्रतिशत वार्षिक ब्याजदर प्रदान गर्ने योजना सार्वजनिक गरिसकेको छ ।
२०७५ जेठ २९ गते प्रकाशित
वि.सं.२०७५ जेठ २९ मंगलवार १७:०९ मा प्रकाशित
