काठमाडौं । ५ लाख ४० हजार कित्ता साधारण सेयर जारी गर्न चौतारी लघुवित्तले धितोपत्र बोर्डमा निवेदन दिएको छ । बुटवलमा केन्द्रीय कार्यालय रहेको चौतारीले असार ७ गते निवेदन दिएको धितोपत्र बोर्डले जनाएको छ ।
साधारण सेयर निष्काशन गर्न कम्पनीले यसअघि एनआईबिएल एस क्यापिटललाई सेयर निष्काशन तथा बिक्री प्रबन्धक नियुक्त गरेको छ ।
१२ करोड ६० लाख रुपैयाँ चुक्ता पूँजी रहेको चौतारीको साधारण सेयर निष्काशन पश्चात १८ करोड रुपैयाँ चुक्ता पूँजी पुग्नेछ । लघुवित्तको अधिकृत पूँजी ३० करोड रुपैयाँ तथा जारी पूँजी १८ करोड रुपैयाँ रहेको छ ।
२०७५ असार १० गते प्रकाशित
वि.सं.२०७५ असार १० आइतवार १४:३५ मा प्रकाशित