काठमाडौँ । सामुदायिक लघुवित्त वित्तिय संस्थाका सञ्चालक र तत्कालिन सिइओ बैंकिङ कसुरमा पक्राउ परेका छन् ।
संचालक समिती र तत्कालिन प्रमुख कार्यकारी अधिकृत समेतको मिलेमतोमा नियम बिपरीत निर्णय गराई रकम प्रबाह गरी वित्तिय संस्थालाई २ करोड ५० लाख भन्दा बढी हानी नोक्सानी पुर्याएको अभियोगमा उनीहरु पक्राउ परेका हुन् ।
पक्राउ परेका चार जनालाई उच्च अदालत पाटन बाट ७ दिनको म्याद लिई बैंकिङ कसूर तथा सजाय ऐन, २०६४ बमोजिम अनुसन्धान कार्य भैरहेको प्रहरी केन्द्रीय व्युरोले जनाएको छ । पक्राउ उर्नेहरुमा पाल्पा जिल्ला तानसेन नगरपालिका, वडा नं। ४ घर भइ हाल टोखा नगरपालिका वडा नं. ९ गोंगवु बस्ने वर्ष ५७ को हिरा बिश्वकर्मा ९संचालक समितीको अध्यक्ष०, काठमाण्डौं महानगरपालिका वडा नं. २२ खिचापोखरी बस्ने वर्ष ६५ की चण्डेश्वरी प्रधान (संचालक समितीको सदस्य०, ललितपुर, गोदावारी नगरपालिका वडा नं। १२ ठेचो बस्ने वर्ष ५१ को बटुकृष्ण कार्की (संचालक समितीको सदस्य० र ललितपुर महानगरपालिका १४ खुमलटार बस्ने बर्ष ६५ को स्वयम्भु राम जोशी (तत्कालीन सिइओ) रहेका छन् ।
प्रहरीको प्रारम्भिक अनुसन्धानबाट तत्कालीन सिइओ स्वयम्भु राम जोशीको आफ्नै संस्था नेपाल महिला उत्थान केन्द्रलाई आधिकारिक निकायको स्विकृति बिना मिलोमतोमा गुडविलको रुपमा भनि २ करोड ५० लाख रुपियाँ प्रबाह गरेको, सिइओले राष्ट« बैैकको नीति निर्देशन तथा ऐन कानुन बिपरीत तलब भत्ता लगायतको बिभिन्न शिर्षक मा आफु खुसी ७ लाख ४४ हजार भन्दा बढि भुक्तानी लिएको, निर्धारित हद भन्दा बढी संस्थाको शेयर धारण गरेको ब्यक्ति स्वयम्भु राम जोशीलाई नियामक निकायको निर्देशनको अवज्ञा हुने गरी मिलिमेतोमा संचालक समितीले प्रमुख कार्यकारीको पदमा नियुक्ति गरी अनियमिताको श्रृखला शुरु गरेको, संस्थाले आर्थिक कारोबार गर्दा अपारदर्शी ढंगले कारोबार गर्ने गरेको तथ्यहरु फेला परको प्रहरी उपरिक्षक कृष्णहरि शर्माले जानकारी दिए ।
२०७५ असार १६ गते प्रकाशित
वि.सं.२०७५ असार १६ शनिवार १५:०३ मा प्रकाशित