काठमाडौं । तारा एअर प्रालिले आफ्नो नयाँ ट्विनअटर वायुयान भित्र्याएको छ। सो विमान सेसेयल्स, माल्दिभ्स, भारत हुँदै काठमाडौं अवतरण गरेको हो ।
वरिष्ठ क्याप्टेन प्रभाकरप्रसाद घिमिरे, पवनसिंह नगरकोटी तथा प्राविधिक सहयोगार्थ ईन्जिनियर जगत लामा रहेको चालकदलले सो विभान आइतबार साँझ भित्रयाएको हो । चालकदलका साथमा नेपाल नागरिक उड्डयन प्राधिकरणका तर्फबाट एअरवर्दिनेस्ईनिस्पेक्टर ईन्जिनियर विधान श्रेष्ठसमेत थिए ।
सो नयाँ विमान भाईकिङ्ग ४०० श्रृङ्खलाको हो । भाईकिङ्ग ४०० श्रृङ्खलाका यी ट्विनअटर वायुयानहरु सजिलै नेपालका चुनौतीपूर्ण विमानस्थलहरु जस्तै लुक्ला, डोल्पा, तथा रारामा उडान भर्न सक्षम रहेको तारा एअरले जनाएको छ ।
रितपुर्वक सबै जाचँहरुबाट सफलतापुर्वक गुज्रिएर, परिक्षण उडानसमेत सफलतापुर्वक सम्पन्न गरेपछि सो विमानलाई नेपाल नागरिक उड्डयन प्राधिकरणद्वारा 9N-ALO दर्ता नम्बर प्रदान भएको छ ।
सो नयाँ वायुयान थप भएबाट नेपालको सन् २०२० सम्ममा २० लाख पर्यटक भित्राउने महत्वाकांक्षामा तारा एअरलेसमेत महत्वपुर्ण योगदान पुर्याउन सक्नेमा तारा एअर परिवार विस्वस्त रहेको विज्ञप्तिमा उल्लेख छ ।
२०७५ साउन ५ गते प्रकाशित
वि.सं.२०७५ साउन ५ शनिवार २२:०२ मा प्रकाशित
