काठमाडौं । स्वरोजगार लघुवित्त वित्तीय संस्था ले आफ्ना शेयरधनीहरुलाई गत बर्षको कमाईबाट वितरण गर्ने लाभांश प्रस्ताव गरेको छ । कम्पनीको साउन ३१ गते बसेको सञ्चालक समितिको बैठकले सो प्रस्ताव गरेको हो ।
कम्पनीले गत बर्षको कमाईबाट २० प्रतिशत बोनस शेयर र कर प्रयोजनको लागि १.०५२६ प्रतिशत नगद लाभांश वितरण गर्ने प्रस्ताव गरेको छ । बोनस तथा नगद लाभांश नेपाल राष्ट्र बैंक र आगामी वार्षिक साधारण सभाबाट पारित भएपछि मात्र वितरण हुनेछ ।
लघुवित्तले गत आर्थिक बर्षमा तीन करोड ६५ लाख रुपैयाँ खुद नाफा गरेर प्रतिशेयर आम्दानी २९ रुपैयाँ ८६ पैसा कायम गरेको थियो । हाल १२ करोड २४ लाख रुपैयाँ चुक्ता पूँजी लघुवित्तको बोनसपछि चुक्ता पूँजी १४ करोड ६९ लाख पुग्नेछ ।
२०७५ भदौ १ गते प्रकाशित
वि.सं.२०७५ भदौ १ शुक्रवार १२:५० मा प्रकाशित