काठमाडौं । कालिका पावर कम्पनीले १२ करोड रुपैयाँको आईपिओ निष्काशन गर्ने भएको छ । कम्पनीले धितोपत्र बोर्डबाट एक सय रुपैयाँ अंकित मूल्यमा १२ लाख कित्ता आईपिओ निष्काशन गर्ने अनुमति पाएको छ ।
यसको बिक्री प्रबन्धकको काम काठमाडौं क्यापिटल मार्केट र ग्लोबल आइएमई क्यापिटलले गर्नेछन् । कालिकाले जारी पुँजीको २० प्रतिशत आइपीओ सर्वसाधारणलाई बिक्री गर्न लागेको हो ।
यसअघि कालिकाले गत माघ २१ देखि आयोजना प्रभावित गोरखाका स्थानीयबासिन्दालाई १० प्रतिशत अर्थात ६ करोड रुपैयाँ बराबरको ६ लाख कित्ता आईपिओ निष्कासन गरेको थियो ।
कम्पनीले गोरखामा ६ मेगावाट क्षमताको दरौदी ए जलविद्युत आयोजना निर्माण गरी हाल सञ्चालनमा ल्याएको छ । निजी क्षेत्रको कालिका ग्रुपबाट प्रवद्र्धित आयोजनाको उत्पादन लागत प्रति मेगावाट २३ करोड १२ लाख रुपैयाँ छ । सेयर जारीपछि कम्पनकिो चुक्ता पूँजी ७८ करोड रुपैयाँ पुग्नेछ ।
२०७५ भदौ ४ गते प्रकाशित
वि.सं.२०७५ भदौ ४ सोमवार १२:४३ मा प्रकाशित