काठमाडौं । बिभिन्न मुलुकमा गएका नेपालीले दैनिक २ अर्ब ६ करोड ८४ लाख भन्दा बढी रेमिटयान्स नेपालमा भित्र्याउने गरेका छन् । गत वर्ष कुल कुल ७ खर्ब ५५ अर्ब रुपैयाँ रेमिटयान्स नेपालमा भित्रिएको राष्ट्र बैंकको तथ्यांकले देखाएको छ । उक्त रमकलाई दिनमा गन्ती गर्दा दैनिक २ अर्ब ६ करोड ८४ लाख हुन आउँछ । दैनिक सरदर १५ सयको हाराहारीमा नेपाली कामको खोजी र अध्ययनका लागि विदेश जाने गरेका छन् । उनीहरुले खर्च गरेर बचाएको रकम नेपाल पठाउने गर्छन् ।
अबैधानिक रुपमा नेपाल भित्र्निे रेमिटयान्स पनि उक्त तथ्यांककै हाराहारीमा रहेको अनुमान गरिएको छ । तर, त्यसको कुनै लेखाजोखा छैन् । भारतलगायतका छिमेकी देशमा जाने कतिपय नेपालीले आफैं पैसा बोकेर आउँछन् भने केहीले हुन्डीलगायत गैरकानुनी च्यानल मार्फत पठाउँदै आएका छन् । यसरी ती माध्यमबाट आएको पैसाको रेकर्ड कतै छैन् । बैधानिक रुपमा भित्रिने रेमिटयान्समध्ये ७० प्रतिशतभन्दा बढी खाडी मुलुकबाट आउने गरेको छ ।
खाडी राष्ट्रहरूमध्ये पनि साउदी अरब, कतार, कुबेत, युनाइटेड अरब इमिरेट्स (दुबई) र बहराइनबाट ठूलो मात्रामा रेमिटयान्सन नेपाल भित्र्ने गरेको छ । केही वर्षयता साउदी र कतारको हिस्सा घट्दै छ भने मलेसियाको अंश बढन थालेको छ । मलेसियमा अन्य देशको तुलनामा बढी नेपाली जान थालेपछि रेमिटयान्स पनि बढी आउन थालेको हो । अर्थतन्त्रका हिसाबले ठूला र धेरै कमाइ हुने भनिएका राष्ट्र जापान, दक्षिण कोरिया, अस्ट्रेलिया, क्यानडा, अमेरिका आदिबाट पनि प्रशस्त मात्रमा रेमिटयान्स मुलुक भित्रिंदै आएको छ ।
खाडी राष्ट्रहरूको तुलनामा ती मुलुकमा नेपाली कामदारको संख्या कम भए पनि आम्दानी निकै धेरै हुन्छ । त्यो आम्दानीको ठूलो हिस्सा नेपाल पनि भित्रिन्छ । अहिले पनि दक्षिण कोरिया लगायतका देशबाट ठूलो परिणाममा अवैधबाटोबाट रकम आउने गरेको छ ।
२०७५ असोज ४ गते प्रकाशित
वि.सं.२०७५ असोज ४ बिहीवार ११:११ मा प्रकाशित