काठमाडौं । सामुदायिक लघुवित्तले आजदेखि ३ करोड रुपैयाँ बराबरको साधारण शेयर ९आईपिओ० निष्काशन गरेको छ । संस्थाले प्रतिकित्ता एक सय रुपैयाँ अंकित दरको ३ लाख कित्ता आईपिओ निष्काशन गरेको हो ।
सामुदायिकको आइपीओ मंसिर ५ गतेसम्म भर्न पाइनेछ । तोकिएको समयमा आवश्यक मात्रमा आवेदन नपरेमा भने पुस ९ गतेसम्म आवेदन दिन सकिनेछ । लगानीकर्ताले न्यूनतम ५० देखि अधिकतम १५ सय कित्ताका लागि आवेदन दिन सक्नेछन् । यो आइपीओमा सी–आस्वाको माध्यमबाट आवेदन दिन सकिन्छ ।
धितोपत्र निष्काशन तथा बिक्री प्रवन्धकमा नेपाल एसबीआई मर्चेन्ट बैंकिङ्ग लिमिटेड रहेको छ । आईपीओ निष्कासन मंसिर ५ गते बन्द हुने बिक्री प्रवन्धक एसबीआई मर्चेन्टले जनाएको छ । सामुदायिकले आइपीओ बिक्री गरी चुक्ता पुँजी १० करोड रुपैयाँ पुर्याउनेछ । कम्पनीले आव २०७५/७६ मा १ करोड ९० लाख, आव २०७६/७७ मा २ करोड ५५ लाख र आव २०७७/७८ मा ३ करोड ७२ लाख रुपैयाँ खुद नाफा कमाउने प्रक्षेपण गरेको छ ।
२०७५ मंसिर २ गते प्रकाशित
वि.सं.२०७५ मंसिर २ आइतवार ११:३४ मा प्रकाशित