काठमाडौं । चिसो बढेसँगै सेयर बजार पनि खुम्चिदै गएको छ । सेयर बजार मापक नेप्सेसँगै कारोबार रकममा समेत कमी आएको छ ।
१८८१ अंकमा पुगेको नेप्से सूचक घटेर ११८९.५६ विन्दुमा आइपुगेको छ । लगानीकर्ताको भावना बैंकहरुले नबुझेका कारण नेप्से निरन्तर ओरालो लाग्दै गएको ब्रोकरको भनाइ छ । लगानीकर्ताले नगद भन्दा बोनस सेयर अपेक्षा गर्छन् । तर, बैंकहरुले धमाधम नगद लाभांश दिन थालेपछि लगानीकर्तामा निरास छाएको हो । जसका कारण सेयर बजार ओलारो लाग्न गएको हो ।
पछिल्लो समय नेप्सेसँगै कारोबार रकममा समेत कमी आएको छ । दैनिक ४० करोड भन्दा बढी रकमका कारोबार हुने गर्दथ्यो । तर, अहिले २१ करोड रुपैयाँको हाराहारीमा मात्र सेयर कारोबार हुन्छ । कारोबार रकममा समेत दैनिक आधा भन्दा बढी रकमले कमी आउन थालेको छ ।
नेप्से र कारोबार रकममा समेत कमी आउनु दुखदायी भएको बिश्लेषकहरुको भनाइ छ । सेयर बजार घट्नु नगद लाभांश मात्र कारण भने होइन् । बैंक तथा वित्तीय संस्थाहरुले लगानीयोग्य रकम (तरलता)को अभाव देखाउँदै सेयरधितो राखेर लिने ब्याजदर बढाएका कारण नेप्सेसँगै कारोबारमा पनि कमी आएको हो ।
त्यस्तै, सेयर बजारलाई घट्नुको अर्को कारण निरन्तर थपिइरहेको आइपीओ, हकप्रदले गर्दा पनि हो । माथिल्लो तामाकोशी आायोजनाको आइपीओ सेयरमा ठूलै पैसा लगानी भएको छ । अन्य कम्पनीहरुको आइपीओ पनि आउने क्रम जारी छ । यसैगरी, हकप्रद आउने क्रम पनि रोकिएको छैन । यसले पनि बजार ओरालो लाग्नमा मदत गरेको ब्रोकरको भनाइ छ ।
२०७५ मंसिर ४ गते प्रकाशित
वि.सं.२०७५ मंसिर ४ मंगलवार १०:१४ मा प्रकाशित
