काठमाडौं । माथिल्लो तामाकोशी जलविद्युत आयोजनको प्राथमिक सेयर निष्कासन (आइपिओ) बाँडफाँड भोली मंगलबार हुने भएको छ । धितोपत्र बोर्ड र आयोजनाको सेयर निष्काशन तथा बिक्री प्रबन्धक नागरिक लगानी कोष तथा सनराइज क्यापिटलबीच उक्त सहमति भएको हो ।
माथिल्लो तामाकोशी आयोजनाले सर्वसाधारणलाई निष्काशन गरेको १ करोड ५० लाख ९० हजार ७५० कित्ता सेयरका लागि ३ लाख ४६ हजार बढीले आवेदन गरेका थिए ।
एउटै व्यक्तिले दोहोरो आवेदन दिएका कारण माथिल्लो तामाकोशीको आइपिओ बाँडफाँड पर धकेलिन पुगेको थियो । सञ्चयकोषका बचतकर्ता, ऋणदाता संस्थाका कर्मचारी, आयोजना प्रभावित लगायतका लागि दुई पटक आईपिओ निष्काशन भएपनि तेस्रो पटक सर्वसाधारणलार्ई निकालिएको सेयरमा पनि तिनै आवेदकले दोहोरो आवेदन दिएका कारण धेरै समस्या आएको हो ।
तामाकोशीको प्राथामिक सेयर निष्कासन (आइपिओमा)मा ६ हजार जनाले दोहोराएर आवदेन दिएका थिए । दोहोराएर आवेदन दिनेले सेयर नपाउने भएका छन् । दोहोरो आवेदन गर्नेहरुको आवेदन स्वत रद्ध हुने सेयर निष्कासन तथा बिक्री प्रबन्धकहरुको भनाइ छ ।
२०७५ मंसिर १० गते प्रकाशित
वि.सं.२०७५ मंसिर १० सोमवार ११:०२ मा प्रकाशित